2 ءساۋىر 2015, 16:04 3461 0 سۇحبات "تۇركىستان" گازەتىنىڭ اۆتورلارى

الەكساندر كورەشكوۆ: «بارىس» پەن قازاقستان قۇراماسى بىرلەسىپ تەر توگەدى!

الەكساندر كورەشكوۆ،  «بارىس» حوككەي كلۋبىنىڭ پرەزيدەنتى
الەكساندر كورەشكوۆ، «بارىس» حوككەي كلۋبىنىڭ پرەزيدەنتى

جاقىندا «بارىس» حوككەي كلۋبىنىڭ پرەزيدەنتى بولىپ الەكساندر كورەشكوۆ  تاعايىندالدى. ول قازاقستاندا عانا ەمەس، شەتەلگە دە تانىمال ءارى  بەدەلدى  تۇلعا. الەكساندر قاتىسقان قازاقستان كومانداسى قازاقستان، رەسەيدىڭ بىرنەشە دۇركىن چەمپيونى، ەۋروليگانىڭ جەڭىمپازى، ەۋروپا سۋپەركۋبوگىنىڭ يەگەرى اتاندى. الەكساندار كورەشكوۆ قازاقستاننىڭ قۇراما كومانداسىنىڭ ساپىندا الەم چەمپيوناتى مەن وليمپيادا ويىندارىنا دا قاتىستى. سوڭعى جىلدارى قازاقستاندىق حوككەي فەدەراتسياسىندا وتاندىق كوماندالاردى حالىقارالىق جارىستارعا قاتىسۋعا ازىرلەدى. قازاقستاننىڭ ەرەسەكتەر مەن جاسوسپىرىمدەر قۇراما كوماندالارىنىڭ باس مەنەدجەرى بولىپ تابىلادى.

 - الەكساندر گەننادەۆيچ، ءسىزدى جاڭا قىزمەتىڭىزبەن قۇتتىقتايمىن! «بارىس» حوككەي كلۋبىنىڭ پرەزيدەنتى بولىپ تاعايىندالعاسىن ءوزىڭىزدى قالاي سەزىنەسىز؟

- بۇل باي ءداستۇرى بار كلۋبتى باسقارۋ اسا زور جاۋاپكەرشىلىك جۇكتەيدى. بۇل ارينە «بارىس» كومانداسى عانا ەمەس، «قار بارىسى»، «نوماد»، «توميريس»  قىزدار كومانداسى جانە بالالار مەن جاسوسپىرىمدەردىڭ سپورت مەكتەبى بار. ياعني، قازاقستاننىڭ  بارلىق جاستاعى ويىنشىلارىن قۇراما كومانداعا دايارلايتىن حوككەي ورگانيزمى دەپ اتاۋعا بولادى. مەن قامقورشىلار  كەڭەسىنە وسىنداي سەنىم بىلدىرگەنى ءۇشىن العىسىمدى ءبىلدىرىپ، ولاردىڭ سەنىمىن اقتاۋعا بار كۇشىمدى سالامىن.

- ءسىزدىڭ الدىڭىزعا كلۋبتى دامىتۋ جونىندە ناقتى تاپسىرما بەرىلدى مە، الدە، بارلىق كوماندالاردىڭ قۇرامى انىقتالىپ، وعان كىرەتىن ويىنشىلار جاساقتالعان سوڭ بەلگىلى بولا ما؟

 - ءسىز دۇرىس ايتاسىز. ازىرگە «بارىس» تۋرالى ناقتى تاپسىرما بولعان جوق. باستىسى، كەز- كەلگەن جەتەكشى سەكىلدى مەن دە الدىمەن كلۋبتىڭ ىشىندەگى داۋ-دامايدى بولدىرماي، ولاردىڭ دايىندىعىنا قولايلى احۋال ورناتۋىم كەرەك. ءبىز بارلىعىمىز ءبىر مەحانيزم رەتىندە ناتيجەگە جۇمىس ىستەۋىمىز قاجەت.قازىر قاراڭىز، حوككەيشىلەرگە بارلىق جايلى جاعدايلار جاسالعان. ءبىز ويىنشىلاردىڭ وسىنداي تۇرمىستىق جاعدايى تۋرالى ارمانداعان بولاتىنبىز. قازىر، ەلىمىزدىڭ باسشىسىنىڭ وڭ كوزقاراسىنا بايلانىستى حوككەيگە قىزىعۋشىلىق ارتىپ، حوككەي سپورتى جاقسى دامىپ كەلەدى.

قازاقستاندا حوككەي بارلىق وڭىرلەردە دامىپ كەلەدى. حوككەي مودۋلدارى مەن سارايلارى سالىنۋدا. استانا جاڭا ارەناسى 12 مىڭ ادامدى قابىلداي الادى. بارلىق دارەجەدەگى حالىقارالىق جارىستاردى قاجەت بولسا، وليمپيادالىق ويىنداردى دا وتكىزۋگە قابىلەتتى. باستىسى، شايبالى حوككەي فەدەراتسياسىنىڭ كۇشىمەن كلۋبتارعا كوپشىلىكتىڭ قىزىعۋشىلىعى ءوز جەمىسىن بەرە باستادى.

-  «بارىس» تارتىبىمەن قازاقستاننىڭ قۇراما كومانداسى ساقتالا ما؟

- ءسوز جوق. باسقاشا بولۋى مۇمكىن ەمەس. «بارىس» پەن قازاقستان قۇراما كومانداسى اجىرامايتىن ءبىرتۇتاس ورگانيزم. بىزگە قازىر باسقاشا جول جوق. بىزگە ۇلتتىق كوماندانىڭ حوككەيشىلەرى جوعارى دارەجەلى تاجىريبە جيناقتاعانى كەرەك. بۇعان حالىقارالىق حوككەي كلۋبى ءدال كەلىپ تۇر.

- ءسىزدىڭ قازاقستاننىڭ قۇراما كومانداسىنىڭ باس مەنەدجەرى مىندەتىڭىز سول كۇيىندە قالدى ما؟

- جوق، مەن ول مىندەتىمدى دە اتقارامىن.الداعى الەم چەمپيوناتىنا دايىندىق ءبىرازدان بەرى ءجۇرىپ جاتىر. ءساۋىردىڭ تورتىنەن باستاپ حوككەيشىلەر وقۋ جاتتىعۋلارىنا كىرىسەدى. قازىر ءبىزدىڭ الدىمىزدا بارىنشا وڭتايلى ءارى كەڭەيتىلگەن قۇرام جيناۋ تاپسىرماسى تۇر. باپكەرلەر شتابى كىمدەردىڭ قالىپ، كىمدەردىڭ وتەتىندىگىن تاڭداي الاتىن مۇمكىندىگى بولۋى كەرەك. ءبىزدىڭ جوسپارىمىزشا، «بارىس» حوككەيشىلەرىنەن باسقا، بىزگە وسكەمەننەن بەس ادام، پاۆلوداردان ءتورت ويىنشى، قاراعاندىدان بەس، رۋدنىيدان ءبىر ويىنشى قوسىلاتىن ءتۇرى بار.

- سوڭعى كەزدەرى باسپاسوزدە  «بارىسپەن» جاڭا كەلىسىمدەردىڭ جاسالماۋىنا بايلانىستى بارلىق قازاقستاندىق حوككەيشىلەر قۇراما كوماندا قاتارىندا بارا المايدى دەگەن قاۋەسەت تارادى. بۇل جونىندە نە دەيسىز؟

- قانداي جاعداي بولعانىن قاراڭىز. جىگىتتەردىڭ كەلىسىمى ءساۋىردىڭ 30-ىنا دەيىن جارامدى. سوندىقتان دا، «بارىس» الدىمەن قازاقستاننىڭ قۇراما كومانداسىنا كىرەتىن ويىنشىلاردىڭ جايىن قارايدى. وسىعان بايلانىستى، مەن قازاقستاندىق ويىنشىلارمەن كەلىسىمدى الەم چەمپيوناتىنان كەيىن جاساۋ كەرەك دەگەن پىكىردى ۇستانامىن. ول ءساۋىردىڭ 25-ىندە اياقتالادى. ونىڭ سىرتىندا، ءار ويىنشى ەلىمىزدىڭ حوككەي كومانداسىنىڭ قۇراسىندا ويناعاندى ۇلكەن دارەجە دەپ ساناپ، ساۋدالاسپاۋى ءتيىس.

- ءبىرىنشى باسشىنىڭ اۋىسۋىنا بايلانىستى كلۋبتا تۇبەگەيلى وزگەرىستەر بولا ما؟

- تۇبەگەيلى وزگەرىستەر بولمايدى. بۇگىن مەن ەڭ الدىمەن «بارىس» كلۋبىنىڭ ۇجىمىمەن تانىسامىن. كىم ءارى قاراي جۇمىس جاساعىسى كەلسە، سونى انىقتايمىن. ماعان كلۋبتىڭ جۇمىسىن بارىنشا ناتيجەلى ەتىپ ۇيىمداستىرۋ مەن كوممەرتسيالىق مۇمكىندىگىن كوتەرۋ تاپسىرىلدى. وعان قوسا جاڭا ماۋسىمدا كلۋب 12 مىڭ ادامدىق مۇز ايدىنىندا ويىن كورسەتەدى.

- «بارىس» كلۋبىنىڭ نەگىزگى كومانداسى جايىنا قايتا ورالالىق. ويىنشىلاردىڭ كوپشىلىگىنىڭ كەلىسىمى ءساۋىردىڭ 30-ىندا كۇشىن جويادى. وسىعان بايلانىستى، كىمدەر قالىپ، كىمدەر شىعاتىنى بەلگىلى بولدى ما؟

- ماعان جاعدايدى ءبىلىپ الۋىم ءۇشىن، ازداعان ۋاقىت كەرەك. مەن كىمدەرمەن كەلىسىم مەرزىمى اياقتالاتىنىن بىلەمىن. ماعان ول جىگىتتەرمەن اقىلداسىپ، ءاربىر ۇمىتكەر تۋرالى باپكەرلەر شتابىنىڭ پىكىرىن ءبىلىپ، قامقورلىق كەڭەسىمەن كەلىسىپ، سوسىن شەشىم قابىلدايمىز. مەنىڭ ويىمشا، قازاقستان قۇراما كومانداسى ساپىندا تابىستى ويىن ۇلگىسىن كورسەتۋ نەگىزگى كورسەتكىش بولىپ تابىلادى.

- قازاقستاننىڭ قۇراما كومانداسىنا كىرمەيتىن ەكى حوككەيشىنىڭ جايىنا جانكۇيەرلەر الاڭدايدى. ولار  نايدجەل دوۋس ي يان لاتسو. بۇل ەكەۋى تۋرالى نە ايتا الاسىز?

- تاعى دا قايتالاپ ايتامىن، ماعان بارلىق جۇمىستى قابىلداپ الۋعا ۋاقىت كەرەك. ازىرگە بۇل ماسەلەنىڭ باسى اشىق. تاعى دا قايتالاپ ايتامىن، بارلىعى مەنىڭ عانا پىكىرىمە بايلانىستى ەمەس.  عالامدىق، ۇلتتىق سپورتتىق جوبا رەتىندە «بارىس» تۋرالى شەشىم القالى تۇردە، اشىق شەشىلۋى ءتيىس. باپكەرلىك شتابتىڭ پىكىرى ەسكەرىلەدى. قامقورلىق كەڭەسىنىڭ وتىرىسى وتكىزىلەدى. سودان كەيىن بارىپ ءاربىر ويىنشى جونىندە شەشىم شىعارىلادى.

- ءسىز تاياۋ ارادا قازاقستاننىڭ قۇراما كومانداسى اياسىندا باس مەنەدجەر رەتىندە ۇلتتىق كوماندانىڭ باس باپكەرى اندرەي نازاروۆپەن بىرگە جۇمىس جاسايسىز. ول تۋرالى پىكىرىڭىز قانداي؟

- اندرەي نازاروۆ وتە تاجىريبەلى مامان. ونىڭ حوككەيدەگى ءومىربايانى باي ءارى قىزىقتى. ۇلتتىق قۇراما كوماندادا كوپ وينادى. باپكەرلىك تاجىريبەسى دە جوعارى. رەسەي قۇراما كومانداسىنىڭ شتابىندا دا بولدى. كلۋبتىق دەڭگەيدەگى جۇمىس ناتيجەسى جەمىستى. مەنىڭ ويىمشا، اندرەي نازاروۆپەن قازاقستاننىڭ قۇراما كومانداسىندا عانا ەمەس، «بارىستا» دا بىرگەمىز. تاعى دا قايتالايمىن: «بارىس»پەن قازاقستاننىڭ قۇراما كومانداسىنىڭ ارا جىگى اشىلمايدى. ءبىز بارلىعىمىز تاباندى تۇردە ناتيجەگە جەتۋ ءۇشىن تەر توگەمىز. بۇعان قازاقستاندىق جاس ويىنشىلاردى بەلسەندى تۇردە تارتۋ قاجەت.

- جانكۇيەرلەر قازاقستان قۇراماسىن جاس ويىنشىلارمەن تولىقتىرۋ تۋرالى كوپ ايتادى. وسى تۋرالى پىكىرىڭىز؟

- قازاقستاننىڭ قۇراما كومانداسى وتە جوعارى مەجە قويىپ وتىر. قانداي ماتچ بولسا دا، باستى ماقسات - تەك جەڭىسكە جەتۋ. كوماندانى جاستارمەن تولىقتىرۋ ماسەلەسى كۇن تارتىبىندە تۇر. قازىردىڭ وزىندە بىزدە جاسوسپسىرىمدەر مەن جاستار، ستۋدەنتتەر اراسىندا جاقسى ويىن ۇلگىسىن كورسەتىپ جۇرگەندەر بارشىلىق. بىزدە رەزەرۆ بار. ونى تولىقتىرا ءتۇسۋ كەرەك.

ەسكەندىر ەرتاەۆ

 

سوڭعى جاڭالىقتار