7 ءساۋىر 2015, 09:24 2797 0 ەكونوميكا ەركەجان جۇماتاي

سوڭعى 20 جىلدىڭ ىشىندە بارلانعان كەن ورىندارى جوقتىڭ قاسى

تاۋەلسىزدىك العاننان بەرگى 20 جىلدىڭ ىشىندە بارلانعان كەن ورىندارى جوقتىڭ قاسى. پايدالانىپ وتىرعان كەن ورىندارى بۇگىندە توزۋعا اينالعان ءارى ءونىم ساپاسى دا جىلدان-جىلعا ناشارلاپ بارادى. وسى ماسەلەنى ەسكەرگەن مەملەكەت باسىنداعىلار اتالمىش سالاعا بيىلعى 2015 جىلى 3,2 ملرد تەڭگەدەن استام قاراجات ءبولىپ وتىر. قر ينۆەستيتسيالار جانە ايماقتىق دامۋ ءمينيسترى اسەت يسەكەشوۆ:

«سوڭعى ەكi-ءۇش جىلدا گەولوگيالىق بارلاۋدى دامىتۋ بويىنشا كەشەندi iس-شارالار قولعا الىندى، ارنايى باعدارلاما ازiرلەندi. قازiر سالاعا حالىقارالىق ستاندارتتاردى ەندiرۋ بويىنشا جۇمىس جۇرگiزiلۋدە. قازبا بايلىقتارى تۋرالى زاڭ قابىلداندى، ول بيىلعى جىلدان كۇشiنە ەندi. زاڭ نەگiزiنەن قاتتى پايدالى قازبالاردى قامتيدى، كوپتەگەن ماسەلەلەر مۇناي-گاز سالاسىنا قاتىستى. زاڭنىڭ اياسىندا اشىق مەحانيزم – اۋكتسيوندار ەنگiزiلۋدە، گەولوگيالىق بارلاۋ كەلiسiمiن الۋ مەرزiمi 18 ايدان 25 كۇنگە دەيiن جانە ساراپتامالار 60 پايىزعا قىسقارتىلدى»، – دەپ حابارلايدى. مينيستر اتاپ وتكەندەي، 2015 جىلى رەسپۋبليكالىق بيۋدجەت پەن ۇلتتىق قوردان 3 ملرد 260 ملن تەڭگە مۇناي جانە گاز بويىنشا جاڭا iزدەۋ جۇمىستارىن قارجىلاندىرۋعا باعىتتالادى. ءمينيستردىڭ سوزىنە سەنسەك، مەملەكەت ەسەبiنەن قارجىلاندىرىلاتىن جۇمىستار ينۆەستورلاردى تارتۋ قيىندىق تۋدىراتىن از زەرتتەلگەن اۋماقتاردا جۇرگiزiلەتىن كورىنەدى.

سوڭعى جاڭالىقتار