29 قىركۇيەك, 09:57 308 0 جاڭالىقتار اسىل تۇمار

كارانتين رەجيمىن بۇزعاندار 13 مىڭ دوللار ايىپپۇل تولەيدى

انگليادا وقشاۋلاۋ رەجيمىن بۇزعانى ءۇشىن تولەنەتىن ايىپپۇل كولەمى ءوستى. بۇل ايىپپۇل ۇيدەن تىس جەردە بولعان نەمەسە Covid-19 بەلگىلەرى بار نەمەسە ناۋقاستاردى باقىلاپ وتىراتىن «Test and Trace» باعدارلاماسىنىڭ قىزمەتكەرلەرى حابارلاسقاننان كەيىن انىقتالاتىن ادامدارعا قاتىستى، – دەپ جازدى قازاقپارات ۆۆس-گە سىلتەمە جاساپ.

العاش رەت رەجيمدى بۇزۋشىلار 1000 فۋنت (شامامەن 1,3 مىڭ دوللار) تولەۋگە ءماجبۇر بولادى. كارانتيندى ەكىنشى رەت بۇزعاندار ءۇشىن 10 مىڭ فۋنتقا دەيىن (13 مىڭ اقش دوللارى) ايىپپۇل قاراستىرىلعان.

ۇكىمەت ءوزىن-ءوزى وقشاۋلاۋ رەجيمى تاعايىندالعان ادامداردىڭ وتە از پايىزى ونى ۇستاناتىندىعىن كورسەتكەن زەرتتەۋ ناتيجەلەرىنەن كەيىن ايىپپۇلدى كوبەيتۋدى شەشتى.

بريتانيانىڭ شوتلانديا، ۋەلس جانە سولتۇستىك يرلانديا سياقتى وڭىرلەرى دە وسىنداي شارالاردى ەنگىزۋدى جوسپارلاپ وتىر. بريتانيانىڭ NHS ۇلتتىق دەنساۋلىق ساقتاۋ جۇيەسىنىڭ وكىلدەرى ۇكىمەت بولەك قۇرعان Test and Trace باعدارلاماسىن سىنعا الدى. دارىگەرلەر Test and Trace الداعى قىستا سىناقتارعا دەگەن ۇلكەن سۇرانىستى ەڭسەرمەۋى مۇمكىن جانە قوسىمشا رەسۋرستارعا مۇقتاج دەپ الاڭداپ وتىر.

«باعدارلاما ەل ءۇشىن ءورت پەن قىلمىسقا قارسى كۇرەس سياقتى ماڭىزدى، ەگەر ول جۇمىس ىستەمەسە، ءبارىمىز زارداپ شەگەمىز»، – دەدى BBC-گە بەرگەن سۇحباتىندا NHS Providers ۇيىمىنىڭ باسشىسى كريس حوپسون.

سوڭعى جاڭالىقتار