27 قىركۇيەك, 13:55 485 0 جاڭالىقتار اسىل تۇمار

مۇگەدەكتىك جاردەماقى راسىمدەپ بەرەمىن دەپ اقشا جيناعان الاياق قولعا ءتۇستى

شىمكەنت قالاسىنىڭ تۇرعىنى بۇگىنگە دەيىن حالىقتى الداپ، اقشا جيناپ وتىرعان. رolisia.kz-ءتىڭ حابارلاۋىنشا، ول قىلمىسكەردى شىمكەنت قالاسىندا ءال-فارابي اپب كريمينالدىق پوليتسيا ءبولىمىنىڭ قىزمەتكەرلەرى قولعا تۇسىرگەن.

نەگىزى سول بولىمشەگە بۇعان دەيىن 102 سىمتەتىگىنە اپالى-سىڭلىلەر حابارلاسىپ شاعىمدانعان بولاتىن.

ايتۋىنشا، ولاردىڭ تانىس كەلىنشەك «مۇگەدەكتىك بويىنشا جاردەماقىعا شىعارىپ بەرەمىن» دەپ الداپ، الاياقتىق جولمەن بىرىنەن 135 مىڭ تەڭگە، ەكىنشىسىن – 270 مىڭ تەڭگە الىپتى.

بۇل جايت سوتقا دەيىنگى تەرگەپ-تەكسەرۋ بىرىڭعاي تىزىلىمىندە قر قك- ءنىڭ 190-بابى 1-بولىگى (الاياقتىق) بويىنشا تىركەلدى. جەدەل ىزدەستىرۋ ءىس-شارالارىن جۇرگىزۋ بارىسىندا كۇدىكتىنى انىقتاپ، پوليتسياعا جەتكىزدى.

ول 1986 جىلى تۋعان جەرگىلىكتى تۇرعىن بولىپ شىقتى. ۇستالعان ازاماتشا ءوز كىناسىن مويىندادى. قالا اۋماعىندا جاسالعان باسقا دا وسىعان ۇقساس قىلمىستارعا قاتىسى بار-جوعى تەكسەرىلۋدە.

قىلمىستىق ىستەر بويىنشا سوتقا دەيىنگى تەرگەۋ امالدارى اياقتالعان سوڭ، زاڭدى ءارى نەگىزدى پروتسەستىك شەشىم قابىلدانادى.

سوڭعى جاڭالىقتار