27 قىركۇيەك, 13:07 341 0 جاڭالىقتار اسىل تۇمار

اۋستراليادا جاعاعا شىعىپ قالعان جۇزدەگەن كيتتى قۇتقارۋ توبى تەڭىزگە قايتاردى

21 قىركۇيەكتە جۇزدەگەن كيت اۋستراليانىڭ تاسمانيا ارالىنىڭ باتىس جاعالاۋىنا شىعىپ قالدى. سەنبىدە ءتىرى قالعان 108 كيت تەڭىزگە قايتا جىبەرىلدى، – دەپ جازدى قازاقپارات BBC-گە سىلتەمە جاساپ.

350-گە جۋىق كيت ولگەن. بۇل كورسەتكىش اۋستراليانىڭ وسى بولىگىندەگى سۇتقورەكتىلەردىڭ جاپپاي ءولۋىنىڭ ەڭ كوبى بولدى.

الايدا ەكولوگتاردىڭ ايتۋىنشا، قۇتقارۋ توبى بەس كۇن ىشىندە اسا اۋقىمدى جۇمىس جاساعان. بۇل كيتتەر - 7 م-گە دەيىن وسەتىن جانە سالماعى 3 تونناعا دەيىن جەتەتىن مۇحيت دەلفيندەرىنىڭ ءبىر ءتۇرى، سوندىقتان ولاردى تەڭىزگە كەرى قايتارۋ وتە قيىن.

عالىمدار توپ-توبىمەن جۇرەتىن كيتتەردىڭ كەي كەزدەرى جاعاعا نە ءۇشىن كەلەتىنىن بىلمەيدى، بىراق ولاردىڭ كوشباسشىنىڭ سوڭىنان ەرەتىنى، جارالانعان نەمەسە زارداپ شەككەن كيتتىڭ اينالاسىنا جينالاتىنى بەلگىلى.

 

سوڭعى جاڭالىقتار