22 قىركۇيەك, 16:27 354 0 جاڭالىقتار اسىل تۇمار

پرايمەريزگە قاتىسۋشىلار ەلوردانىڭ وزەكتى ماسەلەلەرىن شەشۋدى ۇسىندى

ەلوردادا پرايمەريزگە «بايقوڭىر» اۋدانى قاتىسۋشىلارىنىڭ دەباتتارى ءوز مارەسىنە جەتتى. تالقىلاۋ تاقىرىپتارى التى توپ, بارلىعى 49 قاتىسۋشى ءۇشىن جەرەبە تاستاۋ ادىسىمەن تاڭدالدى. پىكىرتالاستاردىڭ تاقىرىپتارى ەلوردامىزدىڭ تۇرعىندارىن تولعاندىراتىن ماسەلەلەر نەگىزىندە قۇراستىرىلدى.

«پارتياىشىلىك ىرىكتەۋدىڭ ەڭ بەلسەندىلەرىن پىكىرسايىس ۋاقىتىندا تىكەلەي ەفيردە  انىقتايمىز. شىنىندا دا، قاتىسۋشىلاردىڭ ارقايسىسى پىكىرتالاسقا وتە بەلسەندى دايىندالدى.

بۇل ولاردىڭ پىكىرسايىس كەزىندەگى ءسوز سويلەۋلەرى مەن يدەيالارىنان بىردەن سەزىلەدى. مىسالى، دەنساۋلىق ساقتاۋ جۇيەسىندە جۇمىس ىستەيتىن كانديدات ءۇشىن نوسەر كارىزى نەمەسە قوعامدىق كولىك تاقىرىبىن تالقىلاۋ وڭاي ەمەس. بىراق ازىرگە بارلىعى ءوز مىندەتتەرىن جاقسى اتقارىپ جاتىر», – دەدى «Nur Otan» پارتياسى ەلوردالىق فيليالى توراعاسىنىڭ ءبىرىنشى ورىنباسارى ەرلان كاناليموۆ.

ءاربىر فيليال 10 تاقىرىپ بويىنشا پىكىر تالاستىرادى، تاقىرىپتار: «نوسەر كارىزدەرى جانە تازارتۋ قۇرىلىستارى»، «قوعامدىق كولىك»، «جاستار»، «قاۋىپسىزدىك» جانە ت.ب. قاتىسۋشىلار اشىق پىكىرسايىس رەگلامەنتىندە بەلگىلەنگەن قىسقا ۋاقىت ىشىندە وسى سالالاردا ءوز يدەيالارىن ۇسىنۋىقاجەت.

تالعات مامىقانوۆ مەملەكەتتىك ورگانداردا تالىمگەرلىك ينستيتۋتىن ەنگىزۋدى، ياعني تاجىريبەسى بار ادامداردى جاس قىزمەتكەرلەرگە تاجىريبە بەرۋگە ىنتالاندىرۋدى ۇسىندى.

«ادىلدىك» بپۇ وكىلى جاستار ماسەلەلەرىن تالقىلاعان پىكىرتالاستا جاستار ءۇشىن شەكتى جاستى ارتتىرۋ قاجەتتىلىگى تۋرالى، مەكتەپتەردە «لوگيكا» جانە «پسيحولوگيالىق دايىندىق» پاندەرىن مىندەتتى تۇردە ەنگىزۋ تۋرالى مالىمدەدى. سونىمەن قاتار، ول مەملەكەتكە ەدب-دان حالىقتىڭ كەپىلسىز نەسيەلەرىن ساتىپ الۋ ءۇشىن باعالى قاعازدار شىعارۋدى ۇسىندى.

«قوعامدىق كولىك» تاقىرىبىنداعى پىكىرتالاس وتە قىزىقتى ءوتتى. بۇل سالاداعى پروبلەمالىق ماسەلەلەردى شوب، دەنساۋلىق ساقتاۋ، ءبىلىم بەرۋ، جاستار وكىلدەرى تالقىلادى. پارتياىشىلىك ىرىكتەۋدىڭ قاتىسۋشىسى سالتانات دجەناليەۆا دارىگەر رەتىندە ەپيدەميولوگيالىق قاۋىپسىزدىك ماسەلەلەرىنە كوپ كوڭىل ءبولۋدى ۇسىندى.

«اۆتوبۋس كوپتەگەن ينفەكتسيالاردىڭ وشاعى بولىپ تابىلادى، كوكتەمگى-كۇزگى كەزەڭدە, سوزىلمالى اۋرۋلاردىڭ ءورشۋى ءجۇرىپ جاتقان كەزدە، پاندەميا كەزىندە بارلىق اۆتوبۋستار اۋانى زارارسىزداندىرۋ ءۇشىن رەتسيركۋلياتورلارمەن جابدىقتالۋى ءتيىس. ولار تۇرعىندار ءۇشىن وتە ءتيىمدى جانە قاۋىپسىز», – دەدى ول.

بيزنەس وكىلى قانات ەستەك پىكىرتالاس الدىندا ەلوردالىق اۆتوبۋس پاركتەرىنىڭ جۇرگىزۋشىلەرىمەن بىرنەشە رەت كەزدەستى. پىكىرسايىستا ول ەڭ الدىمەن ولار ءۇشىن ىڭعايلى جاعداي جاساۋدى، اتاپ ايتقاندا سوڭعى ايالدامالاردى دارەتحانالارمەن جابدىقتاۋدى ۇسىندى.

ونىڭ ايتۋىنشا، بۇل بۇگىنگى تاڭداعى ءبىرىنشى ماسەلە.

«بايقوڭىر» اۋدانىنىڭ پارتيا مۇشەلەرى پىكىرتالاستى وتكىزۋ ەستافەتاسىن ەڭ كوپ قاتىسۋشىلار تىركەلگەن «ەسىل» اۋدانىنداعى ارىپتەستەرىنە تاپسىردى.

پىكىرسايىس 6 كۇن ىشىندە ۇلتتىق كىتاپحانا عيماراتىندا ءابىش كەكىلباەۆ زالىندا وتەدى. «سارىارقا» اۋدانى «جانۇيا» وتباسى ينستيتۋتىنىڭ عيماراتىندا دەباتتىق مارافوندى اياقتايدى.

سوڭعى جاڭالىقتار