21 قىركۇيەك, 14:15 330 0 دەنساۋلىق انار لەپەسوۆا

كوروناۆيرۋس پەن پنەۆمونيا جۇقتىرعان 1,7 مىڭ مەديتسينا قىزمەتكەرى وتەماقى الدى

COVID-19-بەن كۇرەسۋگە تارتىلعان 1 727 مەديتسينا قىزمەتكەرى كوروناۆيرۋستىق ينفەكتسيانى نەمەسە ۆيرۋستىق پنەۆمونيانى جۇقتىرعان جاعدايدا مەملەكەتتىك الەۋمەتتىك ساقتاندىرۋ قورىنان (ماسق) بەرىلەتىن بىرجولعى الەۋمەتتىك تولەمدى الدى.

«ماسق اۋرۋدىڭ سالدارىنان قايتىس بولعان 24 مەديتسينا قىزمەتكەرىنىڭ تۋىستارىنا تولەمدەر اۋداردى. بۇدان بۇرىن حابارلانعانداي، جوعارىدا اتالعان تولەم تولەنەتىن مەديتسينا قىزمەتكەرلەرىن وڭىرلەردىڭ جانە رەسپۋبليكالىق ماڭىزى بار قالالاردىڭ دەنساۋلىق ساقتاۋ باسقارمالارى جانىنداعى ارنايى كوميسسيالار اۋىرعان مەديتسينا قىزمەتكەرلەرىن تەكسەرۋ ناتيجەلەرى نەگىزىندە انىقتايدى. وتىنىمدەردىڭ جيناقتاۋدى قر دەنساۋلىق ساقتاۋ مينيسترلىگى جۇزەگە اسىرادى، ودان كەيىن وتىنىمدەر ەلەكتروندىق ءىس ماكەتتەرىن قالىپتاستىرۋ ءۇشىن «ازاماتتارعا ارنالعان ۇكىمەت» مەملەكەتتىك كورپوراتسياسى» كەاق-عا بەرىلەدى. وسىدان سوڭ تولەم تاعايىنداۋ ءۇشىن ماسق-عا جىبەرىلەدى»، - دەلىنگەن ەڭبەك مينيسترلىگى حابارلاماسىندا.

21 قىركۇيەك ساعات 9:00-دەگى جاعداي بويىنشا ماسق COVID-19 نەمەسە ۆيرۋستىق پنەۆمونيا جۇقتىرعان 1 727 مەديتسينا قىزمەتكەرىنىڭ ءوتىنىشى بويىنشا جانە اۋرۋدىڭ سالدارىنان قايتىس بولعان 24 مەديتسينا قىزمەتكەرىنىڭ ءوتىنىش بويىنشا اقشالاي قاراجاتتى تاعايىنداۋ مەن تولەۋدى جۇزەگە اسىردى.

وڭىرلەر بولىنىسىندە مەديتسينا قىزمەتكەرلەرىنە COVID-19 نەمەسە ۆيرۋستىق پنەۆمونيانى جۇقتىرۋ جاعدايىنا تولەمدەردىڭ ەڭ كوپ سانى نۇر-سۇلتان (393) جانە الماتى (373), شىمكەنت (102) قالالارى، قاراعاندى (115), جانە اقمولا (107) وبلىستارى بويىنشا جۇرگىزىلدى.

ەستەرىڭىزگە سالا كەتەيىك، قر ەڭبەك جانە حالىقتى الەۋمەتتىك قورعاۋ ءمينيسترى مەن قر دەنساۋلىق ساقتاۋ ءمينيسترىنىڭ بىرلەسكەن بۇيرىعىنا بيىلدىڭ 22 شىلدەسىندە ەنگىزىلگەن وزگەرىستەرگە سايكەس جوعارىدا كورسەتىلگەن تولەم: كوروناۆيرۋستىق ينفەكتسيا نەمەسە ۆيرۋستىق پنەۆمونيا جۇقتىرعان مەديتسينا قىزمەتكەرلەرىنە – 2 ملن تەڭگە، ال COVID-19 كوروناۆيرۋستىق ينفەكتسياسىن جۇقتىرعاننان، ۆيرۋستىق پنەۆمونيامەن اۋىرىپ قايتىس بولعان جاعدايدا ولاردىڭ وتباسىنا 10 ملن تەڭگە كولەمىندە تولەنەدى.

 

سوڭعى جاڭالىقتار