20 قىركۇيەك, 18:19 946 0 جاھان انار لەپەسوۆا

وزبەكستاننىڭ ۆيتسە-پرەمەرى كوروناۆيرۋستان كوز جۇمدى

كوروناۆيرۋسقا شالدىققان وزبەكستاننىڭ ۆيتسە-پرەمەرى ۋكتام بارنوەۆ قايتىس بولدى. مارقۇم 56 جاستا بولعان، دەپ حابارلايدى "Sputnik Oʻzbekiston".

شەنەۋنىكتىڭ قازاسى جايلى اقپاراتتى بۇحارا وبلىسىنىڭ بيلىگى راستادى. شىلدە ايىنىڭ سوڭىندا بارنوەۆتىڭ كوروناۆيرۋس جۇقتىرعانى انىقتالىپ،  ۇزاق ۋاقىت بويى ىندەتتەن ەمدەلگەن. جەرگىلىكتى باق-تىڭ حابارلاۋىنشا، ءومىرىنىڭ سوڭعى كۇندەرىن ساياساتكەر گەرمانيادا وتكىزگەن.

ۇكىمەت باسشىسىنىڭ ورىنباسارى قىزمەتىنە ول 2020 جىلدىڭ اقپانىندا تاعايىندالعان. ال شىلدە ايىنان بەرى وزبەكستاننىڭ جىلقى شارۋاشىلىعى جانە ات سپورتى فەدەراتسياسىن باسقاردى.

2016 جىلدىڭ جەلتوقسانىنان بيىلعى جىلعا دەيىن بۇحارا وبلىسىنىڭ حوكيمى بولعان.

سوڭعى جاڭالىقتار