20 قىركۇيەك, 15:14 965 0 جاڭالىقتار انار لەپەسوۆا

ەلورداداعى "بۇكىر كوپىر" قۇلادى

ەلوردانىڭ الاش تاس جولى بويىنداعى «بۇكىر كوپىر» اتالىپ كەتكەن كوپىردىڭ ءبىر جاق شەتى وپىرىلىپ قۇلادى.

نۇر-سۇلتان قالالىق توتەنشە جاعدايدار دەپارتامنەتىنىڭ مالىمەتىشە، كوپىردىڭ قۇلاعانى تۋرالى اقپارات بۇگىن تاڭەرتەڭگى ساعات 04-50-تە تۇسكەن. وقيعا ورنىنا ءمان-جايدى انىقتاۋ ءۇشىن تجد ماماندارى اتتانعان.

ناتيجەسىندە «قازاقجولقۇرىلىس» جشس-نىڭ كوپىردى بولشەكتەۋ جۇمىستارى بارىسىندا تەمىر-بەتون ارقالىقتىڭ تەمىر جولدىڭ ۇستىنە قۇلاعانى انىقتالعان.

«وقيعا ورنىندا جولدى تازالاۋ، كوپىردى بولشەكتەۋ جۇمىستارى جۇرگىزىلىپ جاتىر. پويىز قوزعالىسىندا ىركىلىس جوق. كوپىر ۇستىمەن ماشينالاردىڭ جۇرۋىنە تەك سول جاق بولىگى عانا جابىلعان. قازا تاپقاندار مەن زارداپ شەككەندەر جوق»، - دەپ اتاپ وتەدى دەپارتامەنتتەن.

 

سوڭعى جاڭالىقتار