20 قىركۇيەك, 14:09 478 0 قوعام انار لەپەسوۆا

باقىتجان ساعىنتاەۆ الماتى تۇرعىندارىن قالا كۇنىمەن قۇتتىقتادى

باقىتجان ساعىنتاەۆ الماتىلىقتاردى قالا كۇنىمەن قۇتتىقتادى.

«قۇرمەتتى الماتىلىقتار! بيىل قالا كۇنى ءسان-سالتاناتتى تۇردە وتپەيتىن بولىپ تۇر. بارلىق ءىس-شارالار ونلاين وتەدى. پاندەميا بىزگە ساق بولۋدى، سانيتارلىق قاۋىپسىزدىك شارالارىن ساقتاپ، جاڭا تولقىنعا دايىن بولۋدى ۇيرەتتى»،– دەپ جازدى باقىتجان ساعىنتاەۆ Instagram – داعى پاراقشاسىندا.

ونىڭ ايتۋىنشا، بۇل كەزەڭ ادامداردى جاقىنداستىرىپ، قۇندىلىقتاردى وزگەرتىپ، جاقىنىمىزعا جاناشىر، قامقور بولۋعا ۇيرەتتى.

«قازىرگى قالىپتاسقان جاعدايدا ادامدار دارىگەر مەن ۇستازدىڭ، پوليتسيا مەن اسكەري قىزمەتكەردىڭ ەڭبەگىن باعالاي باستادى. ولاردىڭ الدىندا باس يەمىز. الماتىلىقتار ادەتتەگىدەي، وزدەرىنىڭ ەڭ جاقسى قاسيەتتەرىن پاش ەتىپ، ەرىك-جىگەرى مەن توزىمدىلىگىن، بىرلىگىن كورسەتە ءبىلدى. قىمباتتى قالا تۇرعىندارى! سىزدەردى قالا كۇنىمەن قۇتتىقتايمىن! ءار وتباسىعا زور دەنساۋلىق، باقىت پەن اماندىق تىلەيمىن! تۋعان كۇنىڭمەن، سۇيىكتى قالا»،– دەپ جازدى شاھار باسشىسى.

سوڭعى جاڭالىقتار