20 قىركۇيەك, 13:36 427 0 ايماق انار لەپەسوۆا

ماڭعىستاۋدا دەلتاپلان قۇلادى

ماڭعىستاۋدا دەلتاپلان قۇلاپ، ەر ادام قولىن سىندىردى. وقىس وقيعا قاراقيا اۋدانىندا شوپان اتا كيەلى ورنىنا بارار جولدا بولعان. بۇل تۋرالى ماڭعىستاۋ وبلىسىنىڭ توتەنشە جاعدايلار دەپارتامەنتىنىڭ ءباسپاسوز قىزمەتى حابارلادى.

ۆەدومستۆونىڭ حابارلاۋىنشا، ماڭعىستاۋ وبلىستىق توتەنشە جاعدايلار دەپارتامەنتىنە قاراستى داعدارىس جاعدايلارىنىڭ باسقارماسىنا موتورسىز ۇشاتىن اپپاراتتىڭ قۇلاعانى جايلى حابارلاما كەلىپ تۇسكەن.

«دەلتاپلان قۇلاپ، سونىڭ سالدارىنان زارداپ شەككەن 1988 جىلعى ازاماتقا كومەك كورسەتۋ ءۇشىن وقيعا ورنىنا قۇرامىندا 5 ادامى بار قۇتقارۋشىلار توبى باردى. ەكى قولى سىنعان ازاماتتىڭ ءوز كۇشىمەن ارەكەت ەتۋى مۇمكىن بولماعان. سول جەردە زارداپ شەككەن ازاماتقا العاشقى مەديتسينالىق كومەك كورسەتىلىپ، الپينيستىك جاراقتاردىڭ كومەگىمەن ونى جاردان ءتۇسىرىپ، اۋرۋحاناعا جەتكىزىلدى»،- دەدى ماڭعىستاۋ وبلىسى توتەنشە جاعدايلار دەپارتامەنتى باستىعىنىڭ ورىنباسارى بەكبولات ابدىقادىروۆ.

 

سوڭعى جاڭالىقتار