20 قىركۇيەك, 12:44 31971 0 جاھان انار لەپەسوۆا

قاراشادان باستاپ لۋكاشەنكو بەلارۋس باسشىسى رەتىندە مويىندالماۋى ءتيىس — ەۋروپارلامەنت

بەلارۋس پرەزيدەنتى الەكساندر لۋكاشەنكو 5 قاراشادان باستاپ ەلدىڭ رەسمي باسشىسى رەتىندە مويىندالماۋى ءتيىس. بۇل تۋرالى ەۋروپارلامەنت دەپۋتاتتارى مالىمدەدى، دەپ حابارلايدى Reuters.

«5 قاراشادا قازىرگى اۆتوريتارلىق كوشباسشى الەكساندر لۋكاشەنكونىڭ وكىلەتتىك مەرزىمى اياقتالعاندا پارلامەنت ونى بەلارۋس پرەزيدەنتى دەپ مويىنداۋدى توقتاتادى»، - دەلىنگەن زاڭ شىعارۋشى ورگان مالىمدەمەسىندە. لۋكاشەنكونى ۇلىقتاۋ ءراسىمى 2015 جىلدىڭ  5 قاراشاسىندا وتكەن بولاتىن. دەمەك، 2020 جىلدىڭ 5 قاراشاسىندا ونىڭ بەسىنشى پرەزيدەنتتىك مەرزىمى اياقتالماق.

بۇعان دەيىن ەۋروپارلامەنت لۋكاشەنكوعا قارسى سانكتسيالاردىڭ ەنگىزىلۋىن قولداعان ەدى. «بەلورۋسسياداعى سايلاۋ ناتيجەلەرىنىڭ بۇرمالانۋىنا جاۋاپتى تۇلعالارعا، ونىڭ ىشىندە الەكساندر لۋكاشەنكوعا قارسى ەۋرووداق سانكتسيالارىن تولىق قولدايمىز»، - دەلىنگەن ەۋروپارلامەنت قۇجاتىندا. سوڭعى شەشىمدى ەۋرووداق قابىلداماق.

ايتا كەتەيىك، بەلارۋستا 9 تامىزدا وتكەن پرەزيدەنت سايلاۋىنان كەيىن نارازىلىق شەرۋلەرى تولاستاماي كەلەدى. نارازى توپ سايلاۋ ناتيجەلەرىنىڭ دۇرىستىعىنا، ياعني الەكساندر لۋكاشەنكونىڭ 80 پايىزدان استام داۋىس جيناعانىنا سەنبەيدى.

سوڭعى جاڭالىقتار