20 قىركۇيەك, 11:49 982 0 جاھان انار لەپەسوۆا

ترامپقا جولدانعان سالەمدەمەدەن ۋ تابىلدى

اقش قۇقىققورعاۋ ورگاندارى اقش پرەزيدەنتى دونالد ترامپقا جولدانعان سالەمدەمدەمەنىڭ ۋلانعانىن انىقتادى. بۇل تۋرالى ەكى دەرەككوزگە سىلتەمە جاساپ CNN حابارلادى.

پرەزيدەنتكە جولدانعان زاتتاردى زەرتتەۋ بارىسىندا (اق ءۇي اۋماعىنان تىس جەردە جاسالادى) سالەمدەمەلەردىڭ بىرىنەن ريتسين ۋى تابىلدى. بۇل قاۋىپتى زات مايسانا بۇرشاعىنان الىنادى.

پرەزيدەنتتىڭ قاۋىپسىزدىگىن قامتاماسىز ەتەتىن اقش-تىڭ قۇپيا قىزمەتى تەرگەۋدى باستادى. فەدەرالدى تەرگەۋ بيۋروسى دا تەرگەۋ امالدارىنا كىرىستى. اق ءۇي ازىرگە بۇل وقيعاعا بايلانىستى پىكىر بىلدىرگەن جوق.

ەسكە سالا كەتەيىك، 2018 جىلدىڭ قازانىندا اقش-تىڭ ارنايى قىزمەتتەرى ترامپتى جانە پەنتاگوننىڭ جوعارى شەندى قىزمەتكەرلەرىنۋلاماق بولعان كۇدىكتىنى تۇتقىنداعان. اقش-تىڭ اسكەري-تەڭىز كۇشتەرىنىڭ 39 جاستاعى بۇرىنعى قىزمەتكەرى ۋيليام كلايد اللەن ريتسينمەن ۋلانعان بىرنەشە كونۆەرتتى اق ۇيگە، سونداي-اق پەنتاگون باسشىسى دجەيمس مەتتيسكە جانە اسكەري-تەڭىز وپەراتسيالارىنىڭ جەتەكشىسى، ادميرال دجون ريچاردسونعا جونەلتكەن بولاتىن.

سوڭعى جاڭالىقتار