20 قىركۇيەك, 11:14 339 0 دەنساۋلىق انار لەپەسوۆا

الەكسەي تسوي الماتىدا جەدەل مەديتسينالىق قىزمەت ۇجىمىمەن كەزدەستى

الماتىعا جۇمىس ساپارىمەن كەلگەن قر دەنساۋلىق ساقتاۋ ءمينيسترى الەكسەي تسوي جەدەل مەديتسينالىق قىزمەت ۇجىمىمەن كەزدەسىپ، اتالعان مەكەمەنىڭ جاڭا اۆتوپاركىمەن تانىستى. 

بۇدان بىلاي الماتىدا COVID-19, تۇماۋ، وكپەنىڭ قابىنۋىنا شالدىققان ناۋقاستاردى مەديتسينالىق جاردەم عانا جاتقىزادى. ناۋقاستارعا جۇيەلى قىزمەت جاساۋدىڭ تسيفرلىق مەحانيزمدەرى ەنگىزىلگەن.

«قالانىڭ جەدەل مەديتسينالىق جاردەم قىزمەتى كۇزگى جانە قىسقى ماۋسىمعا تاس-ءتۇيىن دايىن. ءبىزدىڭ مۇمكىنشىلىگىمىز وتە جوعارى. تاۋلىگىنە 9000 حابارلاما بويىنشا جۇمىس ىستەۋگە جانە 500 ناۋقاستى ءتيىستى ەمحاناعا جاتقىزۋعا قاۋقارلىمىز»،- دەدى قالالىق قوعامدىق دەنساۋلىق ساقتاۋ باسقارماسىنىڭ باسشىسى كامالجان نادىروۆ.

ءمينيستردىڭ جۇمىس ساپارى بارىسىندا قاجەتتى جابدىقتارمەن قامتىلعان مەديتسينالىق جاردەم قىزمەتىنىڭ 35 كولىگى تانىستىرىلدى. «Hyundai H350» ۆ جانە س ساناتىنداعى مەديتسينالىق جاردەم ماشينالارى زامان تالابىنا ساي جاسالعان. ەلەكترلىك (اccuvac pro), وكپەندى جاساندى جەلدەتەتىن (مedumat), سorpuls1, دەفيبريللياتورلارى، «كارديومەتر-مت»، اۆتوماتتاندىرىلعان جابدىقتارى، كي-5 وتتەگى ينگالياتورى، جۇرەك سوعىسىن باقىلايتىن «نەبۋلايزەر» قۇرىلعىسىمەن قامتىلعان. ارنايى كولىكتەردى ساتىپ الۋعا جەرگىلىكتى بيۋدجەتتەن 1,4 ملرد تەڭگە بولىنگەن.

بۇگىندە الماتىدا مەديتسينالىق جەدەل جاردەم قىزمەتىنىڭ جۇكتەمەسى تومەندەدى. كوروناۆيرۋس ورشىگەن ۋاقىتتا تاۋلىگىنە 8000 حابارلاماعا دەيىن تۇسەتىن. شىلدە ايىنىڭ باسىندا جەدەل مەديتسينالىق قىزمەتكە كەلىپ تۇسكەن حابارلامالاردىڭ 50 پايىزى كوروناۆيرۋس كۇدىگىمەن بايلانىستى بولدى. قازىرگى تاڭدا تۇماۋ، وكپەنىڭ قابىنۋى جانە كوروناۆيرۋس بويىنشا كەلىپ تۇسەتىن قوڭىراۋلار سانى 9 پايىزعا ازايعان. 

پاندەميا باستالعالى الماتىدا 14346 ادام كوروناۆيرۋس جۇقتىرعان. ناۋقاستاردىڭ 14 مىڭنان استامى ەمدەلىپ شىقتى. دەرتى اسقىنعان 270 ادام قايتىس بولدى.

ەسكە سالا كەتەيىك، بۇدان بۇرىن الماتىدا تەلەمەديتسينا ورتالىعى اشىلعانىن حابارلاعان ەدىك.

كوروناۆيرۋستىڭ ەكىنشى تولقىنىنا دايىندىق اياسىندا اشىلعان تەلەمەديتسينا ورتالىعىنىڭ مىندەتى – COVID-19 جۇقتىرۋى ىقتيمال جانە ىندەتكە شالدىققانى راستالعان ناۋقاستارعا كەڭەس بەرۋ جانە مونيتورينگ جۇرگىزۋ.

سوڭعى جاڭالىقتار