20 قىركۇيەك, 10:03 345 0 ايماق انار لەپەسوۆا

قاراعاندى وبلىسىندا كارانتين جەڭىلدەتىلدى

قاراعاندى وبلىسىندا ساۋدا ورتالىقتارىنداعى ءدامحانالار مەن تەاترلار جۇمىسىن قالپىنا كەلتىرۋدە، بالالارعا ارنالعان تۇزەتۋ ورتالىقتارىنا توپتارداعى بالالار سانىن كوبەيتۋگە رۇقسات ەتىلدى.

كارانتيندىك شارالاردى جەڭىلدەتۋ تۋرالى قاراعاندى وبلىسىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باس مامانى سەرىك سىقپاباەۆ ەگجەي-تەگجەيلى ايتىپ بەردى، دەپ حابارلايدى وبلىس اكىمدىگىنىڭ ءباسپاسوز قىزمەتى.

قازاقستان رەسپۋبليكاسىنىڭ باس سانيتارلىق دارىگەرىنىڭ قاۋلىسىنا سايكەس شەكتەۋ شارالارى 16 قىركۇيەكتەن باستاپ ەلدىڭ بارلىق وڭىرلەرىندە باسەڭدەتىلەدى. قاراعاندى وبلىسىندا اشىق اۋادا جانە ءۇي-جايلاردا قوعامدىق تاماقتانۋ وبەكتىلەرىنە ەندى زالدا 50-گە دەيىن كەلۋشىلەر قابىلداۋ رۇقسات ەتىلدى. ساۋدا ورتالىقتارىندا، بىراق جەكە ءۇي-جايلاردا ورنالاسقان ءدامحانالار مەن مەيرامحانالار ءوز قىزمەتىن قايتا باستايدى. بۇل رەتتە تولىمدىلىعى 30%-دان اسپاۋى ءتيىس جانە ءبىر كەلۋشىگە 4 شارشى مەتر بوس كەڭىستىك تيەسىلى بولۋى ءتيىس. قوعامدىق تاماقتانۋ وبەكتىلەرىنە ەندى 24.00-گە دەيىن جۇمىس ىستەۋگە رۇقسات ەتىلەدى.

بالالار تۇزەتۋ كابينەتتەرىندە الدىن الا جازىلۋ بويىنشا توپتارداعى بالالار سانى 5-تەن 15 ادامعا دەيىن ارتادى.

سونداي-اق، ازىق-تۇلىك دۇكەندەرى مەن سۋپەرماركەتتەردىڭ جۇمىس ۋاقىتى 24.00-گە دەيىن ۇزارتىلادى. بيزنەس-ورتالىقتار ەندى ساعات 18.00-گە دەيىن جۇمىس ىستەيتىن بولادى.

رۇقسات ەتىلەدى:

- كورەرمەندەرى 50%-دان اسپايتىن، بىراق 50 ادامنان كوپ بولمايتىن، سونىمەن قاتار infokazakhstan.kz پورتالىندا تىركەلگەن تەاترلاردىڭ قىزمەتىنە. ماسكا رەجيمىن جانە الەۋمەتتىك قاشىقتىقتى ساقتاۋ مىندەتتى;

- مەملەكەتتىك ورگانداردىڭ (ۇيىمداردىڭ، كاسىپورىنداردىڭ), كۆازيمەملەكەتتىك سەكتور ورگاندارىنىڭ، ۇلتتىق كومپانيالار مەن وزگە دە ۇيىمداردىڭ، سونداي-اق كاسىپكەرلىك سۋبەكتىلەرىنىڭ جۇمىسى. بۇل رەتتە قىزمەتكەرلەردىڭ كەمىندە 50%-ى شتات كەستەسى 30-دان استام قىزمەتكەر بولعان كەزدە قاشىقتىقتان جۇمىس ىستەۋ فورماتىندا قالۋى ءتيىس.

- بارلىق نىساندار ءۇشىن كەلۋشىلەر مەن قىزمەتكەرلەردىڭ مىندەتتى تەرمومەترياسىن جۇرگىزۋ، جەكە قورعانىس قۇرالدارىن پايدالانۋ، الەۋمەتتىك قاشىقتىقتى ساقتاۋ، كۇشەيتىلگەن سانيتارلىق-دەزينفەكتسيالىق رەجيم جالپى تالاپتار بولىپ قالاتىنىن ەسكە سالعىم كەلەدى، - دەدى سەرىك سىقپاباەۆ.

ول سونداي-اق دەمالىس كۇندەرى وبلىس اۋماعىندا كارانتين ساقتالاتىنىن اتاپ ءوتتى. سەنبى جانە جەكسەنبى كۇندەرى ازىق-تۇلىك سۋپەرماركەتتەرى مەن ءدارىحانالاردى قوسپاعاندا، ساۋدا ۇيلەرىنىڭ، ساۋدا-ويىن-ساۋىق ورتالىقتارىنىڭ جۇمىسىنا تىيىم سالىنادى. جابىق بازارلار جۇمىسىن توقتاتادى.

دەمالىس كۇندەرى جۇمىس ىستەۋگە سۇلۋلىق سالوندارى، شاشتارازدار، سپا ورتالىقتارى جانە كوسمەتولوگيا قىزمەتتەرىن ۇسىناتىن نىساندار رۇقسات ەتىلگەن. فيتنەس جانە سپورتتىق-ساۋىقتىرۋ ورتالىقتارىنىڭ، باسسەيندەردىڭ، ترەناجەر زالدارىنىڭ جانە سپورت كەشەندەرىنىڭ قىزمەتىنە رۇقسات ەتىلەدى. دەمالىس كۇندەرى مونشالار مەن ساۋنالارعا، اشىق اتتراكتسيوندارعا بارۋعا بولادى.

كاراوكە، بيليارد، كومپيۋتەرلىك كلۋبتار، تۇنگى كلۋبتار، بوۋلينگ ورتالىقتارى سياقتى ويىن-ساۋىق مەكەمەلەرىنىڭ قىزمەتىنە تىيىم سالىنادى. جابىق ءۇي-جايلارداعى بالالار ويىن الاڭدارى مەن اتتراكتسيوندارىنىڭ، باتۋتتاردىڭ، ءۇي-جايلارداعى كينوتەاترلاردىڭ، بۋكمەكەرلىك كەڭسەلەردىڭ قىزمەتىنە تىيىم سالىنادى.

بۇرىنعىداي جاپپاي كەزدەسۋلەر، ەستەلىك ءىس-شارالار جانە وتباسىلىق سالتاناتتار وتكىزۋگە رۇقسات ەتىلمەيدى.

- شەكتەۋ ءىس-شارالارىن جەڭىلدەتۋگە قاراماستان، ارقايسىمىزدان سانيتارلىق شارالاردى قاتاڭ ساقتاۋ تالاپ ەتىلەدى. ادامدار كوپ جينالاتىن جەرلەردە بەتپەردە كيىڭىزدەر، الەۋمەتتىك قاشىقتىقتى ساقتاڭىزدار جانە جوتەل مەن مۇرىننىڭ اعۋى سياقتى تىنىس جولدارىنىڭ ينفەكتسياسى بار ادامدارمەن قارىم-قاتىناستى شەكتەڭىزدەر. اۋرۋدىڭ بەلگىلەرى بولعان كەزدە ءوزىن-ءوزى ەمدەۋمەن اينالىسپاڭىزدار، دارىگەرلەردەن كومەك سۇراڭىزدار. ۋاقىتىلى ەمدەۋ - تەز ساۋىعۋدىڭ جانە جاقىندارىڭىزدى ينفەكتسيادان قورعاۋدىڭ كەپىلى! - دەدى سەرىك سىقپاباەۆ.

سوڭعى جاڭالىقتار