18 قىركۇيەك, 15:43 1988 0 جاڭالىقتار اسىل تۇمار

ماڭعىستاۋدا ۇيلەنۋ تويىن وتكىزگەن شەنەۋنىككە ايىپپۇل سالىندى

تابيعي مونوپوليالاردى رەتتەۋ كوميتەتىنىڭ ماڭعىستاۋ وبلىسى بويىنشا دەپارتامەنت باسشىسى جاندوس ءسالىموۆ كارانتين ءتارتىبىن بۇزىپ، ۇيلەنۋ تويىن وتكىزگەن. تويدىڭ ۆيدەوسى ميحايل كوزاچكوۆتىڭ Telegram كانالىنداعى پاراقشادا جاريالاندى.

اۆتور «ماڭعىستاۋلىق تۇرعىندى قالاي اسەرلى ەتىپ ۇيىنەن ۇزاتىپ جاتقانىن قاراڭىزدارشى. كارانتين ۋاقىتىندا كوپشىلىكتى جيناپ، توي وتكىزگەن تابيعي مونوپوليالاردى رەتتەۋ كوميتەتىنىڭ ماڭعىستاۋ وبلىسى بويىنشا دەپارتامەنت باسشىسى جاندوس ءسالىموۆ» دەپ جازبا قالدىرعان.

ال، تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ رەسمي وكىلى ەرجان بايتاناەۆتىڭ حابارلاۋىنشا، ۆەدومستۆو قىزمەتكەرلەرى مەن پوليتسەيلەر تارتىپكە باعىنباعانداردى انىقتاعان.

 

سوڭعى جاڭالىقتار