18 قىركۇيەك, 10:35 1003 0 جاڭالىقتار اسىل تۇمار

«5-10-20» تۇرعىن ءۇي باعدارلاماسى بويىنشا نەسيە بەرۋ باستالدى

سۋرەت اشىق دەرەككوزدەن الىندى
سۋرەت اشىق دەرەككوزدەن الىندى

«نۇرلى جەر» مەملەكەتتىك باعدارلاماسىنىڭ جاڭا باعىتتارىنىڭ ءبىرى – «شاڭىراق» پيلوتتىق جوباسىن تۇرعىن ءۇي قۇرىلىس جيناق بانكى («بايتەرەك» حولدينگىنىڭ ەنشىلەس ۇيىمى) جۇزەگە اسىرادى.

تۇرعىن ءۇي قۇرىلىس جيناق بانكىنىڭ باسقارما توراعاسى ءلاززات يبراگيموۆا: «جىلدىق مولشەرلەمەسى 5 پايىزعا تەڭ (جتسم 5,2%), جەڭىلدەتىلگەن زاەمدى الۋ ءۇشىن، باعدارلاما قاتىسۋشىلارى اكىمدىك كەزەگىندە تۇرۋى قاجەت. سونداي-اق تۇرعىن ءۇي قۇرىلىس جيناق بانكىندەگى شوتتارىنا زايم مولشەرىنىڭ 10 پايىزىنان كەم تۇسپەيتىن سومانى باستاپقى جارنا رەتىندە جيناۋى قاجەت. نەسيەلەندىرۋ مەرزىمى 20 جىلعا دەيىن»، – دەپ اتاپ ءوتتى.

«شاڭىراق» جوباسىنىڭ اياسىندا جەڭىلدەتىلگەن نەسيەنى ءبىرىنشى كەزەڭدە باسپاناعا مۇقتاج جان رەتىندە 1986 جىلدان باستاپ 2015 جىلعا دەيىنگى مەرزىمدى قوسا العاندا اكىمدىك كەزەگىنە تۇرعان قازاقستان رەسپۋبليكاسىنىڭ ازاماتتارى الا الادى. وتىنىشتەردى قابىلداۋ مەرزىمى اياقتالعاننان كەيىن، بانكتىڭ «شاڭىراق» جوباسىن ودان ءارى نەسيەلەندىرۋگە قاجەتتى قاراجاتى بولعان جاعدايدا، باعدارلامانىڭ ەكىنشى كەزەڭىنە اكىمشىلىك كەزەگىنە كەيىنگى جىلدارى تۇرعان ازاماتتار دا شاقىرىلۋى مۇمكىن.

سونداي-اق، باعدارلاماعا قاتىسۋ ءۇشىن سوڭعى التى اي ىشىندەگى وتباسىنىڭ ءار مۇشەسىنە كەلەتىن وتباسىلىق تابىستىڭ ءبىر ايلىق كولەمى 3,1 كۇنكورىس مينيمۋمىنان اسپايتىن (2020 جىلدىڭ 1 ساۋىرىنەن باستاپ كم – 32 668 تەڭگەگە تەڭ) ەڭبەك جانە (نەمەسە) كاسىپكەرلىك قىزمەتتەن تۇسەتىن كىرىستىڭ (زەينەتاقى اۋدارىمدارىن، جەكە تابىس سالىعى مەن باسقا دا مىندەتتى اۋدارىمداردى ەسەپتەمەگەندە) بولۋى تالاپ ەتىلەدى. ياعني، 2020 جىلى وتباسىنىڭ ءار مۇشەسىنە كەلەتىن تابىس كولەمى 101 271 تەڭگەدەن اسپاۋى ءتيىس.

«شاڭىراق» باعدارلاماسى بويىنشا پاتەر الۋعا بولاتىن قۇرىلىس كومپانيالارىنىڭ ءتىزىمىن hcsbk.kz سايتىنان جۇكتەپ الۋعا بولادى. اكىمدىكتەردە كەزەكتە تۇرعان ازاماتتاردان باعدارلاماعا قاتىسۋعا جانە تولەم قابىلەتىن باعالاۋعا ءوتىنىم تەك hcsbk.kz سايتى ارقىلى، سونىڭ ىشىندە تۇرعىن ءۇي قۇرىلىس جيناق بانكىنىڭ كليەنتتەرىنەن دە، ءالى كۇنگە دەيىن بانك كليەنتى بولماعانداردان دا قابىلدانادى.

سوڭعى جاڭالىقتار