17 قىركۇيەك, 18:16 525 0 ءبىلىم ارايلىم بيمەنديەۆا

ۇلتتىڭ قايراتكەر ايەلدەرى تۋرالى كىتاپ جارىق كوردى

الماتىدا قازاق ۇلتتىق قىزدار پەداگوگيكالىق ۋنيۆەرسيتەتىنىڭ باستاماسىمەن قازاق حالقىنىڭ قايراتكەر ايەلدەرى تۋرالى «ۇلتتىڭ ۇلاعاتتى ۇياسى» ەنتسيكلوپەديا جارىق كوردى.

كىتاپتا ەلىمىزدەگى پەداگوگ كادرلارىن دايارلايتىن ىرگەلى ورتالىقتىڭ ءبىرى – قىزدار ۋنيۆەرسيتەتىنىڭ ەلىمىزدىڭ عىلىم، ءبىلىم بەرۋ جانە مادەنيەت سالاسىندا ەلەۋلى ەڭبەك ەتىپ جۇرگەن تۇلەكتەرىنىڭ ازاماتتىق كەلبەتى، ولاردىڭ اتقارعان قىزمەتتەرى مەن يگىلىكتى ىستەرى كەڭىنەن باياندالعان.

«جيناقتا وقۋ ورنىندا اتقارىلعان اۋقىمدى جۇمىستار مەن جەتىستىكتەر دە توپتاستىرىلعان. كىتاپ «تاريح. تانىم. تارازى»، «پاراسات مەكتەبى: بۇگىنى مەن بولاشاعى»، «تۇلعالار»، «عالىمدار»، «ۇستازدار» جانە «اقىن-جازۋشىلار، مادەنيەت سالاسىنىڭ قىزمەتكەرلەرى» اتتى بولىمدەردەن تۇرادى. ازاماتتىق كەلبەتتەرى وقىرمان نازارىنا ۇسىنىلعان تۇلەكتەردىڭ قاتارىندا كۇلاش قۇنانتاەۆا، ءشامشا بەركىمباەۆا، ورازكۇل اسانعازى، اسىلى وسمان، اقۇشتاپ باقتىگەرەەۆا سىندى مەملەكەت جانە قوعام قايراتكەرلەرى بار»، – دەپ اتاپ ءوتتى كىتاپتىڭ قۇراستىرۋشىسى ءارى باس رەداكتورى جاندار اسان.

سوڭعى جاڭالىقتار