17 قىركۇيەك, 17:39 375 0 پرايمەريز ارايلىم بيمەنديەۆا

پرايمەريز: تۇركىستان وبلىسىندا 700-دەن استام ءىس-شارا ءوتتى

تۇركىستان وبلىسى تۇرعىندارىنىڭ ساياسي بەلسەندىلىگى كۇن ساناپ ارتىپ كەلەدى. وعان دالەل رەتىندە 1 144 تۇركىستاندىقتىڭ «Nur Otan» پارتياسىنىڭ پرايمەريزىنە قاتىسىپ جاتقانىن مىسال رەتىندە ايتساق تا بولادى. 14-16 قىركۇيەك ارالىعىندا وڭىردە 75 دەبات وتكىزىلىپ، وعان 368 كانديدات قاتىسقان.

جالپى تۇركىستان وبلىسىندا پرايمەريزدىڭ ۇگىت-ناسيحات كەزەڭى باستالعالى، ياعني 7-16 قىركۇيەك ارالىعىندا 724 ءىس-شارا ۇيىمداستىرىلعان. وعان 15 مىڭنان استام ادام قاتىسقان. ونىڭ باسىم بولىگى اۋىل تۇرعىندارى. سونداي-اق 650-دەن استام ءىس-شارا ونلاين رەجيىمىندە وتكىزىلگەن. پرايمەريزگە تىركەلگەن 1 144 ۇمىتكەردىڭ 1 077-ءسى ۇگىت-ناسيحات كەزەڭىنە اتسالىسىپ، كەزدەسۋلەرگە كەلدى. باستاۋىش پارتيا ۇيىمدارىندا 338 كەزدەسۋ وتكىزىلىپ، وعان 10 397 ادام قاتىستى. ەسىكتەن – ەسىككە اكتسياسىنا 264 كانديدات قاتىسىپ، 1 761 ادامدى قامتىعان.

تاعى ءبىر ايتا كەتەرلىگى، تۇركىستان وبلىسىندا ءجۇرىپ جاتقان پرايمەريز كەزىندە كارانتيندىك ساقتىق شارالارى دا ەرەجەگە ساي ساقتالۋدا. بۇدان بولەك، «پرايمەريز» اقپاراتتىق جۇيەسىنە 206 سىلتەمە، الەۋمەتتىك جەلىلەرگە پرايمەريز تۋرالى مىڭنان استام پوست جاريالانعان.

سوڭعى جاڭالىقتار