15 قىركۇيەك, 17:58 430 0 نۇر وتان Túrkistan Gazeti

جاسوتاندىقتار جاستار ساياساتىن دامىتۋ بويىنشا جاڭا باعدارلاما ازىرلەدى

بۇل تۋرالى ورتالىق كوممۋنيكاتسيالار قىزمەتى الاڭىندا وتكەن ساراپتامالىق بريفينگتە ەلنۇر بەيسەنباەۆ حابارلادى.

«Jas Otan» جاستار قاناتى توراعاسىنىڭ ايتۋىنشا، 5 جىلعا ەسەپتەلگەن باعدارلاما جوباسى «Nur Otan» پارتياسىنىڭ توراعاسى نۇرسۇلتان نازارباەۆتىڭ تاپسىرماسىنا سايكەس ازىرلەندى.

«باعدارلاما ۇزدىك وتاندىق ساراپشىلار مەن ساياساتتانۋشىلاردىڭ قاتىسۋىمەن، جاستار ماسەلەسىنە قاتىستى حالىقارالىق ۇيىمداردىڭ جانە الەمدىك ۇردىستەر مەن تاجىريبەلەردى ەسكەرە وتىرىپ دايىندالدى. باعدارلامانى ازىرلەۋ بارىسىندا الەۋمەتتىك جەلىلەر، ونلاين جانە وففلاين كەزدەسۋلەر مەن تالقىلاۋلار ارقىلى 3765 ۇسىنىس كەلىپ ءتۇستى. سونىمەن قاتار، جاقىندا jasotan.kz سايتىندا باعدارلامانى ىسكە اسىرۋ جونىندەگى ءىس-شارالارمەن ناقتى كورسەتكىشتەر كورسەتىلگەن 216 جول كارتاسى جاريالاندى»، - دەدى ە.بەيسەنباەۆ.

بەلسەندىلەر جۇمىستاردى ءار قازاقستاندىق ءۇشىن وزەكتى بەس باعىت بويىنشا جۇرگىزەدى. اتاپ ايتقاندا، جاستاردىڭ ازاماتتىق باستامالارىن قولداۋ، ءبىلىم بەرۋ ساپاسىن ارتتىرۋ، جۇمىسپەن قامتۋ، تۇرعىن ۇيمەن قامتاماسىز ەتۋ جانە جاس قازاقستاندىقتاردىڭ بوس ۋاقىتىنىڭ ءتيىمدى وتۋىنە اتسالىسۋ.

سوڭعى جاڭالىقتار