15 قىركۇيەك, 16:30 393 0 پرايمەريز انار لەپەسوۆا

بۋرابايلىق پرايمەريزگە قاتىسۋشىلار وزەكتى ماسەلەلەردى شەشۋ جولدارىن ۇسىندى

بۋراباي اۋدانىنا قاراستى ۆەدەنوۆكا اۋىلىنىڭ مادەنيەت ۇيىندە وتكەن ءسوز سايىسىندا پرايمەريزگە قاتىسۋشىلار ەلدى مەكەندەردىڭ ماسەلەسىن شەشۋ بويىنشا ءوز جوسپارلارىمەن ءبولىستى. ال ەكىنشى كەزەڭدە ءبىر-ءبىرىنىڭ سۇراقتارىنا جاۋاپ بەرىپ، ءتۇرلى تاقىرىپتا وي ءوربىتتى.

بۋرابايلىقتار ءۇشىن اۋىلشارۋاشىلىعىن دامىتۋ مەن تۋريزم سالاسىنا ەرەكشە نازار اۋدارۋ ماسەلەسى كۇن تارتىبىندە تۇر. سونداي اق «ديپلوممەن – اۋىلعا» باعدارلاماسى اياسىندا جاس مامانداردى اۋىلدىق جەرلەرگە تارتۋدى جانە ششۋچە قالاسىن اباتتاندىرۋ مەن قالا ىشىندەگى جولداردى كۇردەلى جوندەۋدەن وتكىزۋدە شەشىمىن كۇتتىرمەس ماسەلە بولىپ تۇر.

ال كەنەسارى حاننىڭ ەسىمىن يەمدەنگەن كەنەسارى اۋىلدىق وكرۋگى وبلىس ورتالىعى كوكشەتاۋدىڭ ءدال ىرگەسىندە ورنالاسقانمەن، اۋىل ىشىندەگى جولدار كوڭىل كونشىتپەيدى. زەينەتكەرلەر پوشتا قىزمەتىنىڭ ساپاسىنا كوڭىلى تولماسا، تۇرعىندار ءۇشىن مال جايىلىمى جوقتىڭ قاسى.

وسى جانە وزگە دە ماڭىزدى سۇراقتار پرايمەريزگە قاتىسۋشىلاردىڭ سايلاۋالدى باعدارلاماسىندا كورىنىس تاپقان.

الەۋمەتتىك جەلى ارقىلى تىكەلەي ەفيردەن تىڭداپ وتىرعان تۇرعىنداردان ءارى دەباتتى تىكەلەي تاماشالاعان سايلاۋشىلار دا وزدەرىن مازالاعان سۇراقتارىن قويۋعا مۇمكىندىك الدى.

جالپى، بۋراباي اۋداندىق فيليالىنان پرايمەريزگە 57 قاتىسۋعا تىركەلىپ، ولار 13 دەبات الاڭىندا پىكىرسايىسقا تۇسەدى

سوڭعى جاڭالىقتار