15 قىركۇيەك, 12:28 408 0 پرايمەريز انار لەپەسوۆا

جول ساپاسى، اۋىز سۋ ماسەلەسى: اقمولالىق ۇمىتكەرلەر تىڭ شەشىمدەر ۇسىندى

اقمولا وبلىسى بويىنشا پرايمەريزگە قاتىسۋشىلار اراسىندا پىكىرسايىس قىزۋ ءجۇرىپ جاتىر.

بۇگىن كوكشەتاۋ، ستەپنوگورسك قالالارى مەن ارشالى، استراحان، اتباسار، بۇلاندى، بۋراباي، ءبىرجان سال، ەرەيمەنتاۋ، جاقسى، قورعالجىن، تسەلينوگراد اۋداندارىندا جالپى سانى 16 پىكىرسايىس ءوتتى.

دەبات الاڭىندا 68 پرايمەريزگە قاتىسۋشى ءوز باعدارلامالارىمەن ءسوز سايىسقا ءتۇسىپ، سايلاۋشىلاردىڭ سۇراقتارىنا جاۋاپ بەردى. الەۋمەتتىك جەلىدە تىكەلەي ەفيردە كورسەتىلەتىن دەباتتى جالپى سانى مىڭنان اسا ازامات تاماشالاپ، 500-دەن اسا پارتيا مۇشەسى دەباتقا تىكەلەي قاتىسۋعا مۇمكىندىك الدى.

14 قىركۇيەك باستالعان دەباتقا جەرەبە ارقىلى انىقتالعان ازاماتتار قاتىسىپ، ءوزىنىڭ سايلاۋالدى باعدارلاماسىمەن تانىستىرىپ، ءسوز سايىسىنا ءتۇسىپ جاتىر.

ولار ءبىرىنشى كەزەڭدە ناقتى ەلدى مەكەندەردىڭ ماسەلەسىن شەشۋ بويىنشا ءوز كوزقاراستارىن ءبىلدىردى. ال ەكىنشى كەزەڭدە ءبىر-ءبىرىنىڭ سۇراقتارىنا جاۋاپ بەرىپ، ءتۇرلى تاقىرىپتا وي ءوربىتتى.

ماسەلەن، ەلوردانىڭ ىرگەسىندە ورنالاسقان تسەلينوگراد اۋدانىنىڭ تۇرعىندارىن مازالايتىن نەگىزگى ماسەلەلەر پرايمەريزگە قاتىسۋشىلاردىڭ سايلاۋالدى باعدارلامالارىندا جارىق كورگەن. ءار كانديدات ءوزىنىڭ ناقتى شەشىمىن ۇسىنسا، ەرەيمەنتاۋلىق پرايمەريزگە قاتىسۋشىلار اۋىلشارۋاشىلىعى سالاسىنا كوڭىل ءبولۋ كەرەكتىگىن جەتكىزدى.

پرايمەريزگە قاتىسۋشىلاردىڭ اراسىندا ءبىلىم سالاسىنداعى قوردالانعان ماسەلەلەردى شەشۋگە، قوياندى، قوسشى، تالاپكەر اۋىلدارىنىڭ ماسەلەسىن، ءۇش اۋىسىمداعى مەكتەپتەردىڭ ماسەلەسىن شەشۋ بويىنشا ءوز ۇسىنىسىن ايتقاندار بولدى.

سونداي-اق جول ساپاسىن جاقسارتۋ، تازا اۋىز سۋمەن قامتاماسىز ەتۋ، اۋلالاردى اباتتاندىرۋ ماقساتىندا ەلىمىزدە جوق تاجىريبەلەردى ۇسىندى.
جالپى اقمولا وبلىسى بويىنشا پرايمەريزگە قاتىسۋعا 854 ادام تىركەلىپ، ولار 219 دەبات الاڭىندا پىكىر سايىسقا تۇسۋدە.

سوڭعى جاڭالىقتار