15 قىركۇيەك, 12:47 530 0 جاھان ءدىلدا ۋاليبەك

اقش قىتاي يمپورتىن شەكتەي باستادى

قۇراما شتاتتار بيلىگى قىتايدىڭ شىڭجاڭ اۆتونوميالىق اۋدانىنان شىعارىلاتىن بىرقاتار تاۋاردىڭ يمپورتىنا تىيىم سالدى.

بۇل تۋرالى ەلدىڭ ىشكى قاۋىپسىزدىك مينيسترلىگى حابارلادى.  ۆاشينگتوننىڭ پىكىرىنشە، بۇل اۋداندا مۇسىلمانداردىڭ قۇقىعىن تاپتايتىن جانە ولاردى «قايتا تاربيلەۋگە» ارنالعان لاگەرلەر ورنالاسقان.

ناقتىراق ايتقاندا، لوپ ۋەزىندە وندىرىلىگەن تاۋارلارعا، شىڭجاڭ يندۋستريالدى پاركىندە جاسالعان شاشقا ارنالعان ونىمدەرگە جانە بىرقاتار كىتايلىق كومپانيانىڭ تاۋارلارىنا تىيىم سالىندى.

ەسكە سالا كەتسەك، ماۋسىم ايىندا اق ءۇي باسشىسى دونالد ترامپ ۇيعىرلاردىڭ قۇقىعىن قورعاۋ تۋرالى زاڭعا قول قويعان ەدى. بۇل قۇجات بويىنشا بىرقاتار قىتايلىق شەنەۋنىككە سانكتسيا سالۋ جاعى قاراستىرىلعان. ال رەسمي بەيجىڭ بولسا، امەريكالىق تاراپ تاققان ايىپتى جوققا شىعارىپ كەلەدى.

سوڭعى جاڭالىقتار