24 تامىز, 12:07 1295 0 جاڭالىقتار ارايلىم بيمەنديەۆا

42 500 تەڭگە: 2,3 ميلليوننان استام قازاقستاندىق تولەم الدى

شىلدە ايىندا شەكتەۋ شارالارىن ەنگىزۋگە بايلانىستى تابىسىنان ايىرىلعان جاعدايدا مەملەكەتتىك الەۋمەتتىك ساقتاندىرۋ قورىنان بىرجولعى تولەم تاعايىنداۋعا ازاماتتاردان 2 ملن 589 مىڭنان استام بىرەگەي ءوتىنىش قابىلداندى، تولەم مولشەرى ەڭ تومەنگى جالاقىعا – 42 500 تەڭگەگە تەڭ.

تولەمدى 2 ملن 376,8 مىڭ قازاقستاندىق الدى، ونىڭ ىشىندە 2 ملن 368,2 مىڭ ادام تامىز ايىندا كارانتيننىڭ ۇزارتىلۋىنا بايلانىستى 0,5 ەتج – 21 250 مىڭ تەڭگە مولشەرىندە قوسىمشا اقى الدى. بۇل تۋرالى ەڭبەك مينيسترلىگىنىڭ ءباسپاسوز قىزمەتى حابارلادى.

تولەم 2 ملن 382,8 مىڭ ادامعا تاعايىندالدى. اقشالاي قاراجات 2 ملن 376,8 مىڭ قازاقستاندىققا اۋدارىلدى. قازاقستان اۋماعىندا كارانتيننىڭ 2 اپتاعا سوزىلۋىنا بايلانىستى ماسق-تان بىرجولعى تولەم الۋشىلارعا 0,5 ەتج – 21 250 تەڭگە مولشەرىندە قوسىمشا اقى تولەنەدى. 2020 جىلدىڭ شىلدەسىندە ماسق-تان بىرجولعى تولەم العان قازاقستاندىقتارعا كارانتيننىڭ ۇزارتىلۋىنا بايلانىستى قوسىمشا اقى اۆتوماتتى تۇردە تاعايىندالادى. قوسىمشا اقى ءۇشىن قايتا ءوتىنىش بەرۋدىڭ قاجەتى جوق.

كارانتين ۇزارتىلعاننان كەيىن بىرجولعى تولەم تاعايىنداۋعا العاش رەت ءوتىنىش بەرگەن ازاماتتارعا تولەم 1,5 ەتج نەمەسە 63 750 تەڭگە (42 500 + 21 250 تەڭگە) مولشەرىندە تاعايىندالادى. ءوتىنىش قابىلداۋ 2020 جىلدىڭ 1 قىركۇيەگىنە دەيىن جالعاسادى.

سوڭعى جاڭالىقتار