15 تامىز, 17:55 369 0 جاڭالىقتار اسىل تۇمار

پەتروپاۆلدا جەدەل جاردەم كولىگى اۋدارىلدى

پەتروپاۆل قالاسىندا ن.نازارباەۆ پەن ع.مۇسىرەپوۆ كوشەلەرىنىڭ قيىلىسىندا جەدەل جاردەم كولىگىنە جەڭىل كولىك سوعىلدى.

پوليتسيا دەپارتامەنتىنىڭ ءباسپاسوز قىزمەتىنىڭ مالىمەتىنشە، ۋاز-452 ارنايى كولىگى دابىلىن، ارنايى شامدارىن قوسىپ كەلە جاتقان، ونىڭ ىشىندە پاتسيەنت بولعان.

ونىمەن سوقتىعىسقان ۆاز-32112 جەڭىل كولىگىنىڭ 37 جاستاعى جۇرگىزۋشىسى وقيعا ورنىنان پوليتسيا كەلگەنشە قاشىپ كەتكەن. ول كوپقاباتتى ءۇيدىڭ ءبىرىنىڭ اۋلاسىندا ۇستالدى.

«دارىگەرلەر جول اپاتى كەزىندە جەدەل جاردەم كولىگىنىڭ ىشىندە بولعان 71 جاستاعى ايەلدى تەكسەردى. ونىڭ جاراقات الماعانى انىقتالدى. ايەل نەگىزگى دەرتى بويىنشا ەمدەلۋ ءۇشىن ءۇشىنشى قالالىق اۋرۋحاناعا جاتقىزىلدى. جەدەل جاردەم بريگاداسىنىڭ 25 جاستاعى فەلدشەرى مەديتسينالىق كومەك كورسەتىلگەن سوڭ، ۇيىنە جىبەرىلدى»، – دەپ مالىمدەدى دپ ءباسپاسوز قىزمەتى.

وقيعاعا بايلانىستى اكىمشلىك قۇقىقبۇزۋشىلىق تۋرالى كودەكستىڭ «كولiك قۇرالدارى جۇرگiزۋشiلەرىنiڭ جول ءجۇرىسى كولiك قۇرالدارىنىڭ بۇلىنۋىنە الىپ كەلگەن بۇزۋشىلىعى» 610-بابى بويىنشا اكىمشىلىك قۇقىق بۇزۋشىلىق تۋرالى ءىس قوزعالدى. ودان كەيىن بۇل ءىس پروتسەسسۋالدىق شەشىم قابىلدانۋى ءۇشىن پەتروپاۆل اكىمشىلىك سوتىنا جىبەرىلەدى.

سونداي-اق وقيعا ورىنان كەتىپ قالعان جەڭىل كولىك جۇرگىزۋشىسىنە قاتىستى حاتتاما تولتىرىلدى.

سوڭعى جاڭالىقتار