15 تامىز, 17:04 622 0 جاڭالىقتار اسىل تۇمار

شەكتەۋ شارالارى 31 تامىزعا دەيىن ۇزارتىلدى

اتىراۋ وبلىسى اۋماعىندا شەكتەۋ شارالارى 31 تامىزعا دەيىن ۇزارتىلدى. بۇل تۋرالى بۇگىن وبلىستىڭ باس مەملەكەتتىك سانيتارلىق دارىگەرى قانات عاينەدەنوۆ قول قويعان ارنايى قاۋلىدا ايتىلدى.

«اتىراۋ وبلىسىنىڭ اۋماعىندا 2020 جىلعى 17 تامىز ساعات 00:00-دەن 31 تامىز ساعات 00.00-گە دەيىن شەكتەۋ شارالارى ۇزارتىلسىن. بەس جاسقا دەيىنگى بالالاردى، قوعامدىق تاماقتانۋ ورىندارىندا تاماقتانۋ جاعدايلارىن، جەكە جانە 5 ادامنان اسپايتىن توپتىق سپورتپەن اينالىساتىن ادامداردى قوسپاعاندا، الەۋمەتتىك قاشىقتىقتى مىندەتتى تۇردە ساقتاي وتىرىپ، قوعامدىق ورىنداردا، قوعامدىق ترانسپورتتا، حالىققا قىزمەت كورسەتۋ جانە دەمالۋعا ارنالعان عيماراتتاردا، اشىق اۋادا مەديتسينالىق نەمەسە ماتا بەتپەردەلەرىن كيۋ مىندەتتى» – دەلىنگەن قۇجاتتا.

قاۋلىعا سايكەس، اتىراۋ وبلىسىنىڭ اۋماعىندا مىناداي شەكتەۋ شارالارى ۇزارتىلىپ وتىر.

تۇرعىندار مەن اۆتوكولىكتەر قوزعالىسىنا ساعات 23.00 دەن 6.00 ارالىعىندا جۇرۋىنە، دۋماندى، اۋقىمدى سپورت شارالارى، كورمە، فورۋم، كونفەرەنتسيا، سونداي-اق، وتباسىلىق، ەسكە الۋ (بانكەت، توي، مەرەيتوي، اس بەرۋ), ونىڭ ىشىندە ۇيدە جانە ادامدار كوپ جينالاتىن وزگە دە شارالاردىڭ وتكىزىلۋىنە، ويىن-ساۋىق ورتالىقتارىنىڭ (بيليارد، كومپيۋتەرلىك كلۋب، قورقور ، بۋكمەكەرلىك كەڭسەلەر، تۇنگى كلۋبتار، بوۋلينگ ورتالىقتار، كينوتەاترلار جانە باسقا دا ويىن-ساۋىق مەكەمەلەرىنىڭ), بارلىق مادەني نىساندار (تەاترلار، كونتسەرتتىك زالدار، مۇراجاي، كورمەلەر جانە ت.ب.), فۋدكورت، بانكەت زالدارى، بار، كاراوكە، قوعامدىق جاعاجايلاردىڭ، اكۆاپاركتەردىڭ، باسسەيندەردىڭ قىزمەتىنە تىيىم سالىنىپ وتىر.

سوڭعى جاڭالىقتار