15 تامىز, 16:17 1303 0 جاڭالىقتار اسىل تۇمار

الماتىدا كارديولوگيالىق ورتالىق جانىنداعى عيمارات ورتەنىپ جاتىر

«توتەنشە جاعدايلار دەپارتامەنتىنىڭ 42 قىزمەتكەرى مەن 14 تەحنيكا المالى اۋدانى تولە بي كوشەسىندەگى 98-ۇيدەگى شاقىرتۋ بويىنشا ءورتتى ءسوندىرىپ جاتىر. قازىرگى مالىمەت بويىنشا جەكە تۇرعان عيماراتتىڭ شاتىرى وتقا ورانعان. ءورت گيدرانتتارى جىبەرىلىپ، گيدرانتتارعا اۆتوتسيستەرنا ورناتىلدى»، – دەپ حابارلادى قالالىق تجد ءباسپاسوز قىزمەتى.

گاز تۇتىننەن قورعاۋ قىزمەتى عيمارات ىشىندە ادامنىڭ بار جوعىن انىقتاۋ ءۇشىن بارلاۋ جۇرگىزىپ جاتىر.

وقيعا ورنىنا ءورت ءسوندىرۋ بريگاداسى كەلگەنشە، عيماراتتىڭ ارتقى جاعىندا ورنالاسقان وتتەگى قۇياتىن ستانسادا جارىلىس بولدى. سونىڭ سالدارىنان توبە جابىندىسى قۇلاعان.

قازىر قاۋىپ سەيىلدى. قىزىل جالىننىڭ تارالۋى توقتالىپ، ساعات 15:47-تە وقشاۋلاندى.

سوڭعى جاڭالىقتار