15 تامىز, 14:45 469 0 جاڭالىقتار اسىل تۇمار

دۇيسەنبىدەن باستاپ 160 مىڭ الماتىلىق جۇمىسقا شىعادى

17 تامىزدان باستاپ كارانتين رەجيمى جەڭىلدەتىلگەننەن كەيىن الماتى قالاسىندا 160 مىڭ تۇرعىن جۇمىس ورنىنا ورالادى.

«بۇگىنگى تاڭدا 17 تامىزعا دەيىن الماتى قالاسى بويىنشا تىيىم سالىنعان سالا قىزمەتكەرلەرىنىڭ سانى 250 مىڭعا جۋىق ادامدى قۇرايدى. ونىڭ ىشىندە ءبىلىم بەرۋ سالاسىنان 90 مىڭ ادام جۇمىسىن توقتاتقان بولاتىن. 17 تامىزدان باستاپ 160 مىڭ ادام جۇمىسقا شىعادى دەپ كۇتىلۋدە»، – دەدى ە. ورازالين.

سونداي-اق، ول قاتاڭ كارانتين جاعدايىندا تابىسسىز قالعان قالا تۇرعىندارى 42 500 تەڭگە كولەمىندە وتەماقى العانىن ايتتى.

كارانتين رەجيمىنىڭ جەڭىلدەۋىنە قاراماستان، جۇمىسىن قايتا باستاعان كاسىپورىندار مەن شوب سۋبەكتىلەرىنە سانيتارلىق-ەپيدەميولوگيالىق تالاپتاردى ساقتاۋ جانە ءوز قىزمەتكەرلەرىنىڭ قاۋىپسىز جۇمىس ىستەۋىنە قاجەتتى جاعداي جاساۋ ۇسىنىلدى.

سونىمەن قاتار، كارانتين رەجيمىنىڭ جەڭىلدەۋىنە قاراماستان، دەمالىس كۇندەرى شەكتەۋ شارالارى ساقتالادى.

سوڭعى جاڭالىقتار