15 تامىز, 13:51 617 0 جاڭالىقتار اسىل تۇمار

جول ەرەجەسىن بۇزعان شەنەۋنىك جاۋاپقا تارتىلدى

وسكەمەن قالاسىنىڭ اكىمى جاقسىلىق ومار قاراماعىنداعى قىزمەتكەردىڭ جول ەرەجەسىن بۇزعانى ءۇشىن جازاعا تارتىلعانىن ايتتى.

«كەشە الەۋمەتتىك جەلىدە وسكەمەن تۇرعىنى جاريالاعان ۆيدەو تارادى. ۆيدەودا قالالىق تۇرعىن ءۇي-كوممۋنالدىق شارۋاشىلىق ءبولىمىنىڭ اۆتوكولىگى نۇرسۇلتان نازارباەۆ داڭعىلىنداعى تۇرعىن ءۇيدىڭ اۋلاسىنداعى كولىكتەردىڭ جولىن بوگەپ تۇرعانى كورسەتىلگەن. سول كولىك تىزگىنىندە اتالعان ءبولىم باسشىسى ەركىن تۇراروۆ بولعان»، – دەپ جازدى اكىم Instagram -داعى پاراقشاسىندا.

قالا باسشىسىنىڭ ايتۋىنشا، تۇكش ءبولىمىنىڭ باسشىسى كولىكتى اۋلاداعى تۇراقتان شىعارىپ، پوليتسيانىڭ كەلۋىن كۇتتى.

«وعان قاتىستى اكىمشىلىك حاتتاما تولتىرىلدى. سونداي-اق ءبولىم باسشىسىنا جول قوزعالىسى ەرەجەلەرىن بۇزباۋ جانە مەملەكەتتىك قىزمەتشىلەردىڭ ەتيكاسىن ساقتاۋ قاجەتتىگى جايلى ءتۇسىندىرىلدى»، – دەيدى جاقسىلىق ومار.

سوڭعى جاڭالىقتار