15 تامىز, 12:15 561 0 جاڭالىقتار اسىل تۇمار

«قاڭعىباس» وپەراتسياسى: ءىز-ءتۇزسىز جوعالعان 9 ادام تۋىستارىمەن قاۋىشتى

ەلوردا پوليتسەيلەرى «قاڭعىباس» الدىن الۋ شاراسىنىڭ قورىتىندىسىن شىعاردى.

بۇل شارا تۇرعىلىقتى مەكەنجايى جوق، قايىر سۇراپ، قاڭعىرىپ جۇرگەن، سونداي-اق ءىز-ءتۇسسىز جوعالعان ازاماتتاردى انىقتاۋ ماقساتىندا ءوتتى، – دەپ حابارلادى نۇر-سۇلتان قالاسى پوليتسيا دەپارتامەنتىنىڭ ءباسپاسوز قىزمەتى.

جەدەل-الدىن الۋ شاراسىن وتكىزۋدىڭ ەكى كۇنىندە ءىز-ءتۇزسىز جوعالعان 9 ادام تۋىستارىمەن قايتا قاۋىشتى.

مىسالى، ىزدەۋ بارىسىندا پوليتسەيلەر زەينەت جاسىنداعى ەكى ايەلدىڭ جۇرگەن جەرىن انىقتاعان. ەستە ساقتاۋ قابىلەتىنەن ايىرىلعان ايەلدەر ۇيىنەن شىعىپ، اداسىپ كەتكەن.

«قاڭعىباس» وپەراتسياسى بارىسىندا ءتارتىپ ساقشىلارى تۇرعىلىقتى مەكەنجايى جوق ادامدار كوپ جينالاتىن جەرلەردە رەيد وتكىزدى. 229 جەرتولە، 341 كارىز قۇدىعى، قاراۋسىز قالعان 74 عيمارات، 230 شاتىر، 58 قىستاق، 209 قوقىس پوليگونى جانە 17 ورمان تەكسەرىلدى.

سوڭعى جاڭالىقتار