15 تامىز, 11:24 389 0 جاڭالىقتار اسىل تۇمار

امسق مەديتسينالىق قىزمەتتەردى قاشىقتىقتان قالاي الۋ كەرەگىن ءتۇسىندىردى

الەۋمەتتىك مەديتسينالىق ساقتاندىرۋ قورى كارانتيندىك شارالارعا بايلانىستى قازىرگى شەكتەۋلەردى ەسكەرە وتىرىپ، ازاماتتارعا مەديتسينالىق قىزمەتتەردى قاشىقتىقتان قالاي الۋ كەرەكتىگىن ءتۇسىندىردى.

قوردىڭ تۇسىندىرۋىنشە، سالالىق مەديتسينا مامانىنىڭ كەڭەس بەرۋى، تەلەمەديتسينا ارقىلى كونسۋلتاتسيا، سونداي-اق رەنتگەن سۋرەتتىن قايتا قاراۋ، ەلەكتروكارديوگراممانى دەكودتاۋ ەندى قاشىقتىقتان قابىلداۋ كەزىندە دە قولجەتىمدى.

بۇرىن قاشىقتان كەڭەس بەرۋ سوزىلمالى اۋرۋى بار ناۋقاستاردى (ۋچاسكەلىك جالپى پراكتيكا دارىگەرى، تەراپەۆت، پەدياتر) ديناميكالىق باقىلاۋ كەزىندە قولدانىلعان.

قاشىقتان مەديتسينالىق قىزمەت كورسەتۋدىڭ ەرەكشەلىكتەرى 17 شىلدەدەن باستاپ كۇشىنە ەنگەن حالىق دەنساۋلىعى جانە دەنساۋلىق ساقتاۋ جۇيەسى تۋرالى كودەكستە (129-باپ) ايقىندالعان.

زاماناۋي تەحنولوگيا مەن ءارتۇرلى بايلانىس ارناسىنىڭ ارقاسىندا مەديتسينالىق ۇيىمدار پاتسيەنتكە قاشىقتان قىزمەت كورسەتە الادى. الداعى ۋاقىتتا قاشىقتان كورسەتىلەتىن قىزمەت ءتىزىمى كەڭەيتىلمەك.

دارىگەردىڭ ونلاين كەڭەسىن قالاي الۋعا بولادى؟

1. ءوز ەمحاناڭىزدىڭ Call-ورتالىعى ارقىلى نەمەسە باسقا بايلانىس ارنالارى، ءموبيلدى قوسىمشا ارقىلى دارىگەردىڭ كەڭەسىنە جازىلۋ (بار بولسا).

2. كەڭەس بەرۋ كۇنى مەن ۋاقىتىن تاڭداڭىز. سونىمەن قاتار، سالالىق مەديتسينا مامانىنىڭ قابىلداۋىنا جازىلۋ ءۇشىن الدىمەن ۋچاسكەلىك دارىگەردەن جولداما الۋ كەرەك، ياعني ەڭ الدىمەن تەراپەۆتكە/جپد-عا قابىلداۋ ءۇشىن ءوتىنىش بەرۋ كەرەك.

3. تاڭدالعان بايلانىس ارناسى ارقىلى ماماننان بەلگىلەنگەن ۋاقىتتا قوڭىراۋ (اۋديو نەمەسە ۆيدەو) كۇتىڭىز. «دارىگەردەن كەڭەس الۋ ءۇشىن ەمحاناعا بارۋدىڭ قاجەتى جوق. ول ناۋقاس قاي جەردە بولماسىن، قاشىقتان قولجەتىمدى. بۇل جاعدايدا دارىگەر ءدارى-دارمەكتەرگە رەتسەپت جازا الادى. ەڭبەككە جارامسىزدىڭ پاراعىن، زەرتحانالىق زەرتتەۋ ناتيجەسىن كورۋگە بولادى. ياعني، وسى قىزمەتتەردى الۋ ءۇشىن ەمحاناعا كەلۋدىڭ قاجەتى جوق»، – دەلىنگەن حابارلامادا.

قور وكىلىنىڭ تۇسىندىرۋىنشە، قاشىقتان مەديتسينالىق قىزمەتتەر دياگنوستيكا، ەمدەۋ، مەديتسينالىق وڭالتۋ جانە اۋرۋ مەن جاراقاتىڭ الدىن-الۋ، ساندىق تەحنولوگيا كومەگىمەن زەرتتەۋ جۇرگىزۋ جانە باعالاۋ ءۇشىن ۇسىنىلادى.

بۇل رەتتە ۋچاسكەلىك دارىگەردىڭ قاشىقتان كەڭەس بەرۋى مساك مەديتسينالىق ۇيىمدارىنا جان باسىنا شاققانداعى نورماتيۆ تولەمى شەڭبەرىندە تمككك تىزبەسىنە، ال ناقتى كورسەتىلگەن قىزمەتتەر ءۇشىن (تمككك بويىنشا قىزمەت كورسەتىلەتىن سوزىلمالى، الەۋمەتتىك ءمانى بار جانە ينفەكتسيالىق اۋرۋلاردان باسقا) ءمامس شەڭبەرىندە سالالىق مەديتسينا مامانداردىڭ كونسۋلتاتسياسى كىرەدى.

سۇراق بولعان جاعدايدا ازاماتتار قوردىڭ Qoldau 24/7 ءموبيلدى قوسىمشاسى ارقىلى جۇگىنە الادى.

سوڭعى جاڭالىقتار