14 تامىز, 19:19 581 0 جاڭالىقتار اسىل تۇمار

«سق فارماتسيانىڭ» بۇرىنعى باسشىسى قاماۋعا الىندى

سۋرەت عالامتوردان الىندى
سۋرەت عالامتوردان الىندى

«سق فارماتسيا» جشس-نىڭ بۇرىنعى باسقارما توراعاسى بەرىك ءشارىپ ۇستالدى، – دەپ حابارلادى قر سىبايلاس جەمقورلىققا قارسى ءىس-قيمىل اگەنتتىگىنىڭ ءباسپاسوز قىزمەتى.

تج كەزىندە مەديتسينالىق بۇيىمداردى ساتىپ الۋ كەزىندە وكىلەتتىگىن تەرىس پايدالانۋ فاكتىسى بويىنشا «سق فارماتسيا» جشس-نىڭ بۇرىنعى باسقارما توراعاسى ۇستالىپ، نۇر-سۇلتان قالالىق پوليتسيا دەپارتامەنتىنىڭ ۋاقىتشا تەرگەۋ يزولياتورىنا قامالدى.

«14 تامىزدا سوتتىڭ سانكتسياسىمەن كۇدىكتى قاماۋعا الىندى. كىنالىلىك دارەجەسى تۋرالى تۇپكىلىكتى شەشىمدى سوت شىعارادى»، – دەيدى قر سىبايلاس جەمقورلىققا قارسى ءىس-قيمىل اگەنتتىگى ءبىرىنشى دەپارتامەنتىنىڭ اسا ماڭىزدى ىستەر جونىندەگى تەرگەۋشىسى دانيار بيعايداروۆ.

تەرگەۋ مۇددەسى ءۇشىن وزگە اقپارات جاريا ەتىلمەيدى.

سوڭعى جاڭالىقتار