14 تامىز, 10:45 494 0 جاڭالىقتار اسىل تۇمار

قازاقستان-اقش كوماندالارى شاحماتتان ونلاين-ماتچ وتكىزەدى

15 تامىز كۇنى قازاقستان كومانداسىنىڭ اقش كومانداسىنا قارسى حالىقارالىق ونلاين-ماتچى وتەدى.

بۇل شارا «Nations League 2020» (ۇلتتار ليگاسى 2020) ونلاين-جارىسىنىڭ اياسىندا وتكىزىلەدى، – دەپ حابارلادى قازاقستان شاحمات فەدەراتسياسىنىڭ رەسمي سايتى.

قازاقستاننىڭ شاحمات فەدەراتسياسى ەلدىڭ بارلىق شاحماتشىلارىن – اۋەسقويلار مەن كاسىبي ويىنشىلاردى «Kazakhstan Chess» كلۋبىنىڭ قۇرامىندا ويىن ويناپ، رەسپۋبليكا نامىسىن قورعاۋعا شاقىرادى. اقش كومانداسىنا قارسى ماتچ 15 تامىزدا وتەدى.

ويىننىڭ باستالۋى:

1) بليتس - نۇر-سۇلتان قالاسىنىڭ ۋاقىتى بويىنشا ساعات 22:00-دە.

ۋاقىتتى باقىلاۋ: 3 مين + 2 سەك. قاتىسۋعا نيەت بىلدىرگەندەر ونلاين ماتچ ۇيىمداستىرىلاتىن رەسۋرستا «جارىستار» باتىرماسىن باسىپ، «USA — Kazakhstan» ءتۋرنيرىن وزدىگىنەن تاڭداي الادى.

2) راپيد – نۇر-سۇلتان ۋاقىتىمەن ساعات 22:42-دە.

ۋاقىتتى باقىلاۋ: 15 مين. + 2 سەك. قاتىسۋشىلار سىلتەمە بويىنشا «USA — Kazakhstan» جارىسىن وزدىگىنەن تاڭداي الادى. Nations League 2020 جارىسىنا قاتىسۋ ءۇشىن Chess.com پلاتفورماسىندا «Kazakhstan Chess» كلۋبىنا كىرۋ تۋرالى ءوتىنىم بەرۋ كەرەك.

ءاربىر ماتچقا بولەك قوسىلۋ قاجەت. ويىنعا قوسىلۋ 1 ساعات بۇرىن باستالادى.

سوڭعى جاڭالىقتار