13 تامىز, 19:02 3058 0 قوعام انار لەپەسوۆا

17 تامىزدان كەيىن قانداي تىيىمدار كۇشىندە قالادى ‒ مەمكوميسسيا شەشىمى

17 تامىزدان باستاپ قازاقستاندا كوروناۆيرۋس ينفەكتسياسىنا بايلانىستى ەنگىزىلگەن كارانتين شارالارى جەڭىلدەتىلەدى. الايدا، بىرقاتار نىسانداردىڭ جۇمىسىنا سالىنعان تىيىم كۇشىندە قالادى.

اتاپ ايتقاندا،

- ويىن-ساۋىق، سپورتتىق، وتباسىلىق، ەستەلىك، سالتاناتتى جانە باسقا دا بۇقارالىق ءىس-شارالاردى وتكىزۋگە، سونىمەن قاتار ۇيدە وتكىزۋگە;

- بارلاردىڭ، تۇنگى جانە ويىن كلۋبتارىنىڭ، كاراوكە، فۋدكورتتاردىڭ، كينوتەاترلاردىڭ جانە بالالار مەن ەرەسەكتەرگە ارنالعان باسقا دا ويىن-ساۋىق ورىندارىنىڭ جۇمىسىنا;

- مادەنيەت نىساندارىنىڭ، مۋزەيلەردىڭ قىزمەتىنە، كونفەرەنتسيالار، كورمەلەر، فورۋمدار وتكىزۋگە;

- باسسەيندەر، قالالىق جانە قوعامدىق جاعاجايلار، اشىق اكۆاپاركتەردىڭ جۇمىسىنا;

- ءدىني نىسانداردىڭ جۇمىسىنا;

- قالا ماڭىنداعى جولاۋشىلار پويىزدارىنىڭ/ەلەكتريچكالاردىڭ قوزعالىسىنا، جۇمىس پويىزدارىن، قالاارالىق اۆتوبۋستاردى/ميكرواۆتوبۋستاردى قوسپاعاندا، ورتاق ۆاگونداردى قۇرۋعا تىيىم سالىنادى.

سونداي-اق ەپيدەميولوگيالىق جاعدايدى ودان ءارى تۇراقتاندىرۋ ماقساتىندا دەمالىس كۇندەرى شەكتەۋ شارالارى ساقتالادى.

«ماسكا رەجيمى مەن الەۋمەتتىك قاشىقتىقتى ساقتاۋ ‒ بارلىق ادامدار ءۇشىن ساقتالۋى ءتيىس مىندەتتى سانيتارلىق تالاپتار جانە بۇل ازاماتتاردىڭ كۇندەلىكتى ومىرىندەگى ەرەجەلەرگە اينالۋى قاجەت. بيزنەس سۋبەكتىلەرىنىڭ قىزمەتىن ولار تولىق دايىن بولعان جاعدايدا عانا قايتا باستاۋ قاجەت»، — دەدى ۇكىمەت باسشىسى اسقار مامين بۇگىن وتكەن مەملەكەتتىك كوميسسيا وتىرىسىندا.

 

سوڭعى جاڭالىقتار