13 تامىز, 19:29 560 0 ايماق انار لەپەسوۆا

پاۆلودار وبلىسىنداعى كۋرورتتاردىڭ جۇمىس ىستەۋىنە رۇقسات بەرىلدى

14 تامىزدان باستاپ پاۆلودار وبلىسىنداعى كۋرورتتاردىڭ جۇمىسى قايتا جاندانادى. 

وبلىستىڭ باس سانيتارلىق دارىگەرى باتىربەك اليەۆتىڭ جاڭا قاۋلىسى بويىنشا، سانيتارلىق-دەزينفەكتسيالىق رەجيمنىڭ كۇشەيتىلگەن رەجيمىن، الەۋمەتتىك قاشىقتىقتى جانە ماسكا تاعۋ رەجيمىن ساقتاي وتىرىپ، قۋاتتىلىعى 50%-دان اسپايتىن ساناتورلىق-كۋرورتتىق ماقساتتاعى وبەكتىلەردىڭ، تۋريستىك بازالاردىڭ دەمالىس ۇيلەرىنىنىڭ جۇمىس ىستەۋىنە رۇقسات بەرىلدى.

تۋريستىك نىساندارداعى جاعاجايلاردىڭ جۇمىسى دا قايتا جاندانادى: قوناق ۇيلەر، ساناتوريلەر، پانسيوناتتار، دەمالىس ۇيلەرى جانە تۋريستىك بازالار الدىن-الا جازىلۋ بويىنشا 10:00-دەن 20:00-گە دەيىن جۇمىس ىستەي الادى.

قۇجات بويىنشا، جاعاجايدا دەمالۋشىلار اراسىنداعى قاشىقتىق ءتورت مەتردەن كەم بولماۋى كەرەك.

ماماندار ەكى اپتا بويى باقىلاۋ جۇرگىزىپ، كارانتيندىك شارالاردىڭ  ساقتالۋىن قاداعالايدى. ەگەر ەرەجەلەر ورىندالماسا، نىسانداردىڭ جۇمىس ىستەۋىنە قايتادان تىيىم سالىنباق.

ەسكە سالا كەتەيىك، بۇگىن مەملەكەتتىك كوميسسيا وتىرىسىندا  ەلىمىزدەگى كارانتين شارالارىن كەزەڭ-كەزەڭىمەن الىپ تاستاۋ جوسپارى بەكىتىلدى جانە 17 تامىزدان باستاپ جۇمىسىن قايتا باستايتىن نىساندار ءتىزىمى جاريالاندى.

كارانتيننىڭ جەڭىلدەۋىنە قاراماستان، سالىنعان بىرقاتار تىيىم كۇشىندە قالادى: ويىن-ساۋىق، سپورتتىق، وتباسىلىق، ەستەلىك، سالتاناتتى جانە باسقا دا بۇقارالىق ءىس-شارالاردى وتكىزۋگە، سونىمەن قاتار ۇيدە وتكىزۋگە، بارلاردىڭ، تۇنگى جانە ويىن كلۋبتارىنىڭ، كاراوكە، فۋدكورتتاردىڭ، كينوتەاترلاردىڭ جانە بالالار مەن ەرەسەكتەرگە ارنالعان باسقا دا ويىن-ساۋىق ورىندارىنىڭ جۇمىسىنا، مادەنيەت نىساندارىنىڭ، مۋزەيلەردىڭ قىزمەتىنە، كونفەرەنتسيالار، كورمەلەر، فورۋمدار وتكىزۋگە، باسسەيندەر، قالالىق جانە قوعامدىق جاعاجايلار، اشىق اكۆاپاركتەردىڭ جۇمىسىنا، ءدىني نىسانداردىڭ جۇمىسىنا رۇقسات بەرىلگەن جوق.

سوڭعى جاڭالىقتار