13 تامىز, 17:49 431 0 دەنساۋلىق انار لەپەسوۆا

79 جاستاعى جامبىلدىق قاريا كوروناۆيرۋستى جەڭدى

جامبىل وبلىسى جۋالى اۋدانىنىڭ 79 جاستاعى تۇرعىنى قاتەرلى ۆيرۋستى جەڭدى. 

وبلىس اكىمدىگىنىڭ مالىمەتىنشە، امانجول ءدۇرالىۇلى كوروناۆيرۋس بەلگىلەرى بويىنشا جەدەل جاردەممەن جامبىل وبلىستىق كوپبەيىندى بالالار اۋرۋحاناسىنا جەتكىزىلگەن.

مەديتسينالىق تەكسەرۋ كەزىندە قاريانىڭ كوروناۆيرۋس جۇقتىرىپ، ەكى جاقتى ۆيرۋستىق پنەۆمونياعا شالدىققانى بەلگىلى بولعان. سونداي-اق، 79 جاستاعى تۇرعىننان تىنىس الۋ جەتكىلىكسىزدىگىنىڭ ءۇشىنشى ساتىسى انىقتالىپتى.

اقساقالدىڭ قوسىمشا سوزىلمالى اۋرۋلارى –  جۇرەكتىڭ يشەميالىق اۋرۋى، يشەميالىق كارديوميوپاتيا، جۇرەك جەتكىلىكسىزدىگى جانە ءۇشىنشى ساتىداعى گيپەرتەنزيا كوروناۆيرۋستىڭ اسقىنا تۇسۋىنە اكەلىپ سوققان.

ەكى كۇن جانساقتاۋ بولىمىندە بولىپ، ءوجج اپپاراتىنا قوسىلعان امانجول ءدۇرالىۇلى اق حالاتتىلاردىڭ قاجىرلى ەڭبەگىنىڭ ارقاسىندا قاتەرلى ۆيرۋستى جەڭىپ، اۋرۋحانادان شىقتى.

ەسكە سالا كەتەيىك، بۇعان دەيىن شىمكەنتتە وكپەسىنىڭ 70 پايىزى زاقىمدانعان 90 جاستا اجەي ىندەتتەن ايىققانىن حابارلاعانبىز.

شىمكەنت قالاسىنداعى "مەيىرىم" پروۆيزورلىق ورتالىعىندا ەم قابىلداعان كۇلسارا قارسىباەۆانىڭ جاعدايىنىڭ اۋىرلىعىنا جانە قوسىمشا سوزىلمالى اۋرۋلارىنا (سوزىلمالى حولەتسيستيت، پانكرەاتيت، ارتەريالىق گيپەرتەنزيا) قاراماستان پنەۆمونيانى جەڭىپ شىقتى.

 

سوڭعى جاڭالىقتار