13 تامىز, 16:34 622 0 كولىك انار لەپەسوۆا

2020 جىلى قازاقستاندىقتار قانداي كولىك برەندتەرىن ءجيى ساتىپ العانى بەلگىلى بولدى

2020 جىلدىڭ قاڭتار-شىلدە ايلارى ارالىعىندا قازاقستاندا رەسمي ديلەرلەر 42 مىڭنان استام جاڭا كولىك ساتتى. بۇل تۋرالى «قازاۆتوونەركاسىپ» اۆتوكولىك سالاسىنداعى كاسىپورىندار وداعى حابارلادى. 

«اتالعان كەزەڭدە رەسمي ديلەرلەر 42 372 كولىكتى ساتتى. بۇل ءبىر جىل بۇرىنعى كورسەتكىشتەن 13,6 پايىزعا جوعارى. بيىلعى جەتى ايدا قازاقستاندىقتار جاڭا جەڭىل كولىكتەردى الۋعا 383,6 ملرد تەڭگە جۇمساپ، 2019 جىلعى دەڭگەيدەن 10 پايىزعا ارتىق بولدى»، - دەلىنگەن تاراتىلعان مالىمەتتە.

كولىك ساتىپ الۋشى 29 462 ادام (69,5 پايىزى) وتاندىق زاۋىتتاردىڭ ونىمىنە ءوز تاڭداۋىن جاساعان. سونىمەن قاتار، بيىلعى 7 ايدا ساتىلعان 12 910 اۆتوموبيل (30,5 پايىزى) يمپورتقا تيەسىلى بولىپ وتىر.

اتالعان مەرزىمدە ەلىمىزدە سۇرانىسى جوعارى برەندتەردىڭ اراسىندا Lada (9717 كولىك), Hyundai (8030), Toyota (5581 ), Ravon (5112 ) جانە KIA (3695) كولىكتەرى كوش باستادى. مۇنىمەن قوسا، ساتىلىمى جوعارى بولعان تور-وندىقتا - Renault (1461 كولىك), GAZ (1367), Nissan (1140), Volkswagen (1116) مەن UAZ (975) بار.

 

سوڭعى جاڭالىقتار