13 تامىز, 14:43 601 0 كولىك انار لەپەسوۆا

ەلىمىزدە ديزەلدى اۆتوبۋستار ساتىپ الۋعا تىيىم سالىنۋى مۇمكىن

بۇدان بىلاي ديزەلدى وتىنمەن جۇرەتىن قوعامدىق كولىكتەردى ساتىپ الۋعا تىيىم سالىنۋى مۇمكىن. الماتىنىڭ ەكولوگيالىق احۋالىن تالقىلاۋ بارىسىندا قر ەكولوگيا، گەولوگيا جانە تابيعي رەسۋرستار مينيسترلىگىنىڭ ەكولوگيالىق رەتتەۋ جانە باقىلاۋ كوميتەتىنىڭ توراعاسى زۋلفۋحار جولداسوۆ وسىنداي ۇسىنىس ايتتى. 

الماتى قالاسى اكىمىنىڭ ءبىرىنشى ورىنباسارى ەرلان قوجاعاپانوۆتىڭ ايتۋىنشا، قالادا قوعامدىق كولىكتەر بەلسەندى تۇردە گازعا اۋىستىرىلۋدا. سونىمەن قاتار، ەكولوگيالىق تازا 130 اۆتوبۋس ساتىپ الىنباق.

"دەسەك تە، قالاداعى اۆتوكولىكتەر نەگىزگى اۋا لاستاۋشىلاردىڭ ءبىرى بولىپ قالا بەرەدى. كۇن سايىن قالا كوشەلەرىندە 700 مىڭعا جۋىق كولىك جۇرەدى. بۇل ماسەلەنى شەشۋ ءۇشىن حالىقارالىق تاجىريبەگە سۇيەنىپ، اۋقىمدى كولىك رەفورماسىن جۇرگىزىپ جاتىرمىز. بۇگىنگى كۇنى الماتىدا 400-گە جۋىق اۆتوبۋس گازبەن قوزاعالادى. سونىمەن قاتار، 10 ەلەكتر اۆتوبۋسى بار. سىزدەردىڭ (قر ەكولوگيا، گەولوگيا جانە تابيعي رەسۋرستار مينيسترلىگى – رەد) قولداۋلارىڭىزبەن ەلەكتر اۆتوبۋستارىنىڭ سانىن كوبەيتۋدى جوسپارلاپ وتىرمىز. قوعامدىق كولىكتەر پاركىن جاڭارتا وتىرىپ، ءبىز زياندى زاتتار شىعارىندىلارىن ازايتامىز", - دەدى قالا اكىمىنىڭ ءبىرىنشى ورىنباسارى.

ماسەلەنى شەشۋ ءۇشىن ەكولوگيالىق رەتتەۋ جانە باقىلاۋ كوميتەتىنىڭ توراعاسى زۋلفۋحار جولداسوۆت 2023 جىلعا دەيىن گازبەن جۇرەتىن اۆتوبۋستاردىڭ سانىن 500-دەن 2 مىڭعا جەتكىزۋدى ۇسىندى. سونداي-اق، ول ديزەلدى قوزعالتقىشى بار قوعامدىق كولىكتى ساتىپ الۋعا زاڭ جۇزىندە تىيىم سالۋ قاجەتتىگىن ايتتى.

 

سوڭعى جاڭالىقتار