13 تامىز, 15:38 371 0 جاڭالىقتار ءدىلدا ۋاليبەك

ەلىمىزدە مەتالل ءوندىرىسى 20 پايىزعا ارتتى

ەلىمىزدە العاشقى جارتى جىلدا 117,1 ملرد تەڭگەنىڭ دايىن مەتالل بۇيىمدارى ءوندىرىلدى، بۇل وتكەن جىلدىڭ وسى كەزەڭىمەن سالىستىرعاندا 6,3 پايىزعا ارتىق، دەپ حابارلايدى energyprom.kz.

ناتيجەسىندە ونەركاسىپتىك ءوندىرىستىڭ يندەكسى بىردەن 119,8 پايىزعا وسكەن، بۇل - ءوندىرىس كولەمىنىڭ وتكەن جىلدىڭ وسى كەزەڭىمەن سالىستىرعاندا 20 پايىزعا ارتقاندىعىن بىلدىرەدى. دايىن مەتالل بۇيىمدار ءونىمىنىڭ جارتىسىنان استامىن ەلىمىزدىڭ ءتورت ءوڭىرى وندىرگەن. ءوندىرىس كولەمى جاعىنان پاۆلودار وبلىسى كوش باستاپ تۇر. مۇندا 18,8 ملرد تەڭگەنىڭ مەتالى وندىرىلگەن. ەكىنشى ورىندا قاراعاندى وبلىسى - (17,7 ملرد تگ), ءۇشىنشى - الماتى قالاسى (12,9 ملرد تگ) جانە ءتورتىنشى ورىندا - ماڭعىستاۋ وبلىسى (11,5 ملرد تگ).

نۇر-سۇلتان قالاسى (ەكى ەسە), اقمولا (+89,9% اقشالاي) جانە اتىراۋ (+84,6%) وبلىستارىندا دا ءوسىم بايقالادى. 

دايىن مەتالدار ءوندىرىسى ىشىندە قارا مەتالدان جاسالعان بۇيىمدار مەن مەتالكونسترۋكتسيالار كولەمى ارتقان. ال رادياتور، مۇناي ونەركاسىبىنە قاجەتتى رەزەرۆۋارلار ءوندىرىسى كەرىسىنشە كەمىگەن.

سوڭعى جاڭالىقتار