13 تامىز, 11:52 404 0 ايماق انار لەپەسوۆا

دەمالىس كۇندەرى سقو-دا كارانتين كۇشەيتىلەدى

سولتۇستىك قازاقستان وبلىسىندا الداعى دەمالىس كۇندەرى كارانتين تالاپتارى كۇشەيتىلەدى.

سقو-نىڭ باس سانيتاريالىق دارىگەرى سەرىكباي قاسماقاسوۆتىڭ جاڭا قاۋلىسى بويىنشا دەمالىس كۇندەرىنە شەكتەۋ شارالارى 15 تامىز كۇنى ساعات 00.00-دە كۇشىنە ەنىپ، 17 تامىز ساعات 00.00-گە دەيىن جالعاسادى.

بۇل جولعى قاۋلىدا وزگەرىس بار. مەيرامحانا مەن ءدامحانادا تاعامدى تاپسىرىس بويىنشا جەتكىزۋمەن قاتار، كەلۋشىلەرگە وزىمەن الىپ كەتۋگە سالىپ بەرە الادى. سونداي-اق اۋىل شارۋاشىلىعى تەحنيكاسىنىڭ بولشەكتەرىن ساتاتىن دۇكەندەرگە جۇمىس ىستەۋگە رۇقسات بەرىلگەن.

بۇدان باسقا ازىق-تۇلىك جانە ءدارى-دارمەك ساتاتىن ساۋدا ورىندارىنان باسقاسى، بازارلار، دەمالىس ورىندارى مەن مونشا-ساۋنالار، ساياباقتار، تۋريزم جانە سپورت نىساندارى جۇمىسىن توقتاتادى.

ءوڭىر تۇرعىندارىنا وتباسىلىق مەرەكەلەردى وتكىزۋگە، توي-تومالاققا بارۋعا، تۋعان-تۋىس، دوس-جاراندارىن ارالاۋعا تىيىم سالىنعان. جالپى بۇل كۇندەرى جۇمىسقا بارۋعا، جاقىن ماڭداعى ازىق-تۇلىك دۇكەندەرى مەن دارىحانالارعا بارۋعا جانە اۋلادا ءۇي جانۋارلارىن سەرۋەندەتۋگە عانا شىعۋعا رۇقسات بەرىلگەن.

قالا، ەلدىمەكەندەر ىشىندە، سونداي-اق ساياجايلارعا باراتىن قوعامدىق كولىكتەردىڭ جۇمىسى ۋاقىتشا توقتاتىلادى.

 

سوڭعى جاڭالىقتار