13 تامىز, 10:47 394 0 دەنساۋلىق انار لەپەسوۆا

COVID-19: 106 ناۋقاستىڭ جاعدايى اسا اۋىر

ەلىمىزدە 23 281 ادام كوروناۆيرۋس ينفەكتسياسىنان ەم قابىلداۋدى جالعاستىرۋدا. ولاردىڭ اراسىندا 100 بالا بار.

دەنساۋلىق ساقتاۋ مينيسترلىگىنىڭ مالىمەتىنشە، ستاتسيونارلاردا 4 151 ناۋقاس جاتىر. 19 130 ادام امبۋلاتوريالىق جاعدايدا ەمدەلۋدە.

ناۋقاستاردىڭ اراسىندا 423 ادامنىڭ احۋالى ناشار. سونىڭ ىشىندە 106 ناۋقاستىڭ احۋالىن دارىگەرلەر اسا قاتتى اۋىر دەپ باعالاپ وتىر. 99 ناۋقاس وكپەنى جاساندى جەلدەتۋ اپپاراتىنا قوسىلعان.

وتكەن تاۋلىكتە رەسپۋبليكا بويىنشا 517 ادامنان كوروناۆيرۋس انىقتالىپ، ىندەتكە شالدىققانداردىڭ جالپى سانى 101372-گە جەتتى. ىندەتتەن 76 مىڭنان استام ادام ايىقتى. 1269 ناۋقاس قايتىس بولدى.

سونداي-اق، كوروناۆيرۋس بەلگىلەرىنە ۇقساس پنەۆمونياعا شالدىققان 15 732 ناۋقاس تىركەلدى. ولاردىڭ 188-ءى كوز جۇمدى.

سوڭعى جاڭالىقتار