13 تامىز, 12:49 574 0 ونەر انار لەپەسوۆا

الەمدەگى ەڭ تابىستى ارتىستەردىڭ ءتىزىمى جاريالاندى

Forbes الەمدەگى ەڭ تابىستى ارتىستەردىڭ ءتىزىمىن جاريالادى. باسىلىم سايتىندا جاريالانعان تىزىمدە دۋەين دجونسون كوش باستاپ تۇر. 

وتكەن جىلى دا دجونسون ەڭ جوعارى اقى تولەنەتىن ءارتىس دەپ تانىلعان بولاتىن. Forbes-تىڭ جازۋىنشا، ونىڭ جىلدىق تابىسى - 87,5 ميلليون دوللار. ماسەلەن، بيىل Netflix-تە شىعاتىن «قىزىل حابارلاما» (Red Notice) فيلمىندەگى ءرولى ءۇشىن ءارتىس 23,5 ميلليون دوللار قالاماقى العان.

ال جىلدىق تابىسى 71 ميلليون دوللارعا باعالانعان كانادالىق ءارتىس رايان رەينولدس ەكىنشى ورىننان كورىندى.  اكتەر «بۇلىڭعىر التىلىق» (6 Underground) جانە «قىزىل حابارلاما» (Red Notice) فيلمدەرىندەگى رولدەرى ءۇشىن 20 ميلليون دوللاردان اسا تابىس تاپقان.

تىزىمدەگى ءۇشىنشى ورىن جىلدىق تابىسى 58 ميلليون دوللاردى قۇرايتىن امەريكالىق مارك ۋولبەرگكە بۇيىردى. ول  «ماك-ميلليوندار» (McMillions) جانە «ۋولل-ستريت» (Wahl Street) دەرەكتى فيلمدەرىنىڭ پروديۋسەرى رەتىندە ەڭبەكتەنىپ، وسىنشا تابىسقا قول جەتكىزگەن.

سونداي-اق، رەيتينگتىڭ العاشقى وندىعىندا بەن اففلەك ($55 ملن), ۆين ديزەل ($54 ملن), اكشاي كۋمار ($48 ملن), لين-مانۋەل ميراندا ($45,5 ملن), ۋيلل سميت ($44,5 ملن), ادام سەندلەر ($41 ملن) جانە دجەكي چان ($40 ملن) بار.

 

سوڭعى جاڭالىقتار