13 تامىز, 09:24 430 0 ايماق انار لەپەسوۆا

اقمولالىق دارىگەرلەرگە ءۇي بەرىلەدى

اقمولا وبلىسىنىڭ جاقسى اۋدانىندا دارىگەرلەر ءۇشىن اۋداندىق اۋرۋحانانىڭ جۇقپالى اۋرۋلار بولىمشەسى 8 پاتەرلى تۇرعىن ءۇي رەتىندە قايتا جابدىقتالۋدا.

اۋدان اكىمدىگىنىڭ حابارلاۋىنشا قازىرگى كەزدە پاۆلودارلىق مەردىگەر كومپانيا «پاۆلودارەنەرگومونتاج» جشس-گى اۋرۋحانا اۋماعىندا قۇرىلىس جۇمىستارىن جۇرگىزىپ جاتىر.

«عيمارتتىڭ جالپى اۋماعى 474 شارشى مەتردى قۇرايدى. وندا جوسپار بويىنشا 4 ءبىر بولمەلى جانە 4 ەكى بولمەلى 8 پاتەر بولادى»،- دەيدى اۋداندىق قۇرىلىس ءبولىمىنىڭ باسشىسى د.كوششەگۋلوۆ.

اكىمدىكتەن اتاپ وتكەندەي، بيىلعى جىلدىڭ جەلتوقسان ايىندا دارىگەر مەن اۋداندىق اۋرحانانىڭ قىزمەتكەرلەرى وسى عيماراتتان پاتەر كىلتىن الاتىن بولادى.

 

سوڭعى جاڭالىقتار