12 تامىز, 15:16 530 0 ءوندىرىس ارايلىم بيمەنديەۆا

تەمىرتاۋدا ونەركاسىپتىك گاز وندىرەتىن جاڭا زاۋىت ىسكە قوسىلدى

تەمىرتاۋ قالاسىندا ەكىنشى اۋا ءبولۋ قوندىرعىسى ىسكە قوسىلدى. جاڭا زاۋىت «ارسەلورميتتالتەمىرتاۋ» اق بولات قۇيۋ ءوندىرىسىن ونەركاسىپتىك گازدارمەن: وتتەگىمەن جانە ازوتپەن قامتاماسىز ەتەتىن بولادى. نىسانعا 28,5 ملرد تەڭگە ينۆەستيتسيا سالىندى.

جاڭا قوندىرعى 24 500 نم3/ساع وتتەگى گازىن، سونداي-اق شويىن، بولات جانە مەتالل ءوندىرۋ ءۇشىن قاجەت 28 000 نم3/ساع ازوت گازىن شىعارادى. سونىمەن قاتار، ونەركاسىپتىك گازداردى قولدانۋ سپەكترى وتە كەڭ – مەديتسينادان باستاپ ەلەكترونيكا وندىرىسىنە دەيىن، وندا جوعارى تازا گازدار مەن ارنايى گازدار قولدانىلادى.

اۋا ءبولۋ قوندىرعىسىنىڭ تەحنولوگيالىق پروتسەسىندە گەنەراتورى بار تيىمدىلىگى جوعارى تۋربودەتاندەر قولدانىلادى، بۇل قوندىرعىنىڭ جۇمىسىن ەكولوگيالىق تازا ەتەدى، ەلەكتر ەنەرگياسىن تۇتىنۋدى ازايتادى.

«پاندەميا جاعدايىنداعى جاڭا جوبانى ىسكە قوسسۋ – جاقسى بەلگى. وسى ايلاردا سىرتقى ىستەر مينيسترلىگىنىڭ جۇمىسى جۇمىس ىستەپ تۇرعان كاسىپورىنداردىڭ وندىرىستىك پروتسەستەرىن، جابدىقتاردى، كومپونەنتتەردى نەمەسە شيكىزاتتى شەتەلدەن جەتكىزۋگە، سونداي-اق شەتەلدىك جۇمىس كۇشىنىڭ كىرۋىنە تاۋەلدىلىگى بار ىسكە اسىرىلاتىن ينۆەستيتسيالىق جوبالارداعى قۇرىلىس-مونتاجداۋ جانە ىسكە قوسۋ-رەتتەۋ جۇمىستارىن قامتاماسىز ەتۋگە باعىتتالعان. جوبا قاراعاندى وبلىسىندا حيميا ونەركاسىبىن دامىتۋعا ۇلكەن سەرپىن بەرەتىنىنە سەنىمدىمىن. سونداي-اق، وسى كۇردەلى كەزەڭدە كاسىپورىن اۋرۋحانالاردىڭ قاجەتتىلىكتەرى ءۇشىن وتتەگىن جەتكىزۋدى جولعا قويعانىن اتاپ وتەمىن»، – دەپ ءتۇسىندىردى قر سىرتقى ىستەر ءمينيسترىنىڭ ورىنباسارى الماس ايداروۆ.

سوڭعى جاڭالىقتار