12 تامىز, 13:49 480 0 ساياسات انار لەپەسوۆا

سەنات سايلاۋى: الماتىلىق دەپۋتاتتار سۇلتانبەك ماكەجانوۆقا سەنىم ءبىلدىردى

الماتىدا سەنات دەپۋتاتتارىنىڭ سايلاۋى مارەسىنە جەتتى. 

سايلاۋعا قالادان ۇش ۇمىتكەر ءتۇستى: اندرەي زاحاروۆ، تيمۋر نۇرتاەۆ جانە سۇلتانبەك ماكەجانوۆ. داۋىس بەرۋگە قاتىسقان 30 دەپۋتاتتىڭ بارلىعى دا مەدەۋ اۋدانىنىڭ اكىمى سۇلتانبەك ماكەجانوۆتىڭ كانديداتۋراسىن قولدادى.

ال ەلوردادا ءۇش كانديداتتىڭ اراسىنان اقىلبەك كۇرىشباەۆ كوپ داۋىس جينادى.

ەسكە سالا كەتەيىك، بۇعان دەيىن سەنات توراعاسى ماۋلەن اشىمباەۆ جوعارى پالاتا ەلىمىزدىڭ بارلىق ءوڭىرىنىڭ پارلامەنتتەگى وكىلدىگىن قامتاماسىز ەتەتىنىن مالىمدەگەن.

سەنات سپيكەرىنىڭ ايتۋىنشا، ءار قابىلدانعان زاڭنىڭ ونداعان مىڭ وتباسى مەن ناقتى ادامداردىڭ تىنىس-تىرشىلىگىنە تىكەلەي اسەرى بار. "وسى رەتتە پارلامەنت پالاتالارىنىڭ جۇمىسى زاڭ شىعارۋ ۇدەرىسىنىڭ بارىنشا ءتيىمدى ءارى تەڭگەرىمدى بولۋىنا مۇمكىندىك بەرەدى جانە زاڭداردى ەلدىڭ، سونداي-اق، ءار ازاماتتىڭ مۇددەسىن ەسكەرىپ قابىلداۋدى قامتاماسىز ەتەدى", – دەدى ول.

 

سوڭعى جاڭالىقتار