12 تامىز, 10:37 758 0 جاھان انار لەپەسوۆا

مينسكتە تاعى ءبىر مازاسىز ءتۇن ءوتتى

بەلارۋستەگى نارازىلىق شەرۋلەرى باسىلار ەمەس. مينسك تۇرعىندارى پرەزيدەنت سايلاۋىنىڭ رەسمي قورىتىندىسىمەن كەلىسپەيتىندەرىن ايتۋ ءۇشىن وتكەن ءتۇنى دە كوشەگە شىقتى.

قالانىڭ ورتالىعىنان شاعىن اۋداندارعا ويىسا باستاعان نارازى توپتى تارقاتۋ ءۇشىن كۇشتىك قۇرىلىمدار ولارعا قارسى كوزدەن جاس اققىزاتىن گاز بەن رەزەڭكە وقتار، قاتتى دىبىستى گراناتا  قولدانۋدا. قالادا كولىك قوزعالىسى شەكتەلگەن.

پوليتسيا دەمونسترانتتاردى ۇستاپ اكەتىپ جاتىر. العاشقى ەكى كۇندە 5 مىڭ ادام ۇستالعان. 200-دەن استام ادام ءتۇرلى جاراقاتتارمەن اۋرۋحاناعا جەتكىزىلگەن. ءبىر ادامنىڭ كوز جۇمعانى بەلگىلى بولدى. مينسك تۇرعىندارى دەمونسترانت قازا بولعان «پۋشكينسكايا» مەترو ستانتسياسىنىڭ ماڭىنا كەلىپ، گۇل شوقتارىن قويۋدا.

جاراقات العاندار اراسىندا وقيعا ورنىنان حابار تاراتقان جۋرناليستەر دە بار. ۆۆس-ءدىڭ ءتۇسىرىلىم توبىنا شابۋىل جاسالعان. جەرگىلىكتى باق وكىلدەرى دە جاراقاتتانىپتى. كەيبىرى  حابار-وشارسىز كەتكەن.

سوڭعى جاڭالىقتار