12 تامىز, 10:42 406 0 سپورت باقىتبەك قادىر

مايك تايسون مەن روي دجونس جەكپە-جەگى كەيىنگە شەگەرىلدى

اڭىز بوكسشىلار اراسىنداعى شوۋ جەكپە-جەكتىڭ ءوتۋ مەرزىمى كوبىرەك قارجى جيناۋ ماقساتىندا باسقا كۇنگە شەگەرىلدى. بۇل تۋرالى ءوزا حابارلايدى.

اقش-تىڭ كاليفورنيا شتاتىندا 12 قىركۇيەك كۇنى وتەدى دەپ جوسپارلانعان بۇل بوكس كەشى كۇتپەگەن جاعدايدا 28 قاراشاعا اۋىستى.
The Ring تاراتقان اقپاراتقا سۇيەنسەك، ۇسىنىستى تايسون كومانداسى جاساعان. ويتكەنى  ۋاقىتتى شەگەرگەن سايىن كوبىرەك تابىس تۇسەدى دەگەن. دجونس كومانداسى دا بۇل ۇسىنىستى ماقۇلداپ، رينگ كەشىن كەشىكتىرۋگە كەلىسىم بەردى.

بۇعان دەيىن رينگ كورولدەرى اراسىنداعا جەكپە-جەك ەرەجەسىنە وزگەرىس ەنگىزىلىپ، ەكى بوكسشىنىڭ قاۋىپسىزدىگى ءۇشىن ولاردى رينگكە شلەممەن شىعىپ 18 ۋنتسيالىق قولعاپپەن جۇدىرىقتاسۋىن بەلگىلەگەن جانە بوكسشىلارعا نوكاۋتتان اۋلاق بولۋعا كەڭەس ايتىلعان بولاتىن.

سوڭعى جاڭالىقتار