11 تامىز, 19:59 658 0 جاھان انار لەپەسوۆا

قىتاي باسشىسى تۇرعىنداردى ازىق-تۇلىكتى ۇنەمدەپ تۇتىنۋعا ۇندەدى

قىتاي باسشىسى  سي تسزينپين  ەل تۇرعىندارىن ازىق-تۇلىكتى ىسىراپسىز تۇتىنۋعا شاقىردى، دەپ حابارلايدى تاسس. 

"استىق قورىن جىلدان-جىلعا ارتتىرىپ وتىرعانىمىزعا قاراماستان، ءبىز ءالى دە بولسا ازىق-تۇلىك قاۋىپسىزدىگىنە سانالى تۇردە قاراۋىمىز كەرەك", - دەدى قحر توراعاسى.

سونداي-اق، سي تسزينپين زاڭنامالىق بازا مەن قاداعالاۋدى كۇشەيتۋ، ازىق-تۇلىكتىڭ ىسىرابىنا قارسى ءتيىمدى كۇرەس شارالارىن جولعا قويۋدى تاپسىردى. ونىڭ پىكىرىنشە، حالىق اراسىندا تۇسىندىرمە جۇمىستارى جانە اعارتۋ جونىندەگى شارالاردى نىعايتۋ، سونداي-اق قوعامدى ىسىراپشىلدىقتى ۇيات دەپ، ال ۇنەمشىلدىكتى  ۇلگىلى ادەت دەپ سانايتىنداي دەڭگەيگە جەتكىزۋ كەرەك.

ايتا كەتەيىك، سي تسزينپين بۇعان دەيىن دە بىرنەشە رەت قىتايلىقتاردى ازىق-تۇلىكتى ۇنەمدەپ تۇتىنۋعا ۇندەگەن.

سوڭعى جاڭالىقتار