11 تامىز, 19:15 1354 0 جاھان انار لەپەسوۆا

قالالىق اكىمشىلىك عيماراتىن ورتەپ جىبەرمەك بولعان قاسكوي ۇستالدى

باشقۇرتستاننىڭ نەفتەكامسك قالالىق اكىمشىلىگى عيماراتىندا لاڭكەستىك اكت جاساماق بولعان جەرگىلىكتى تۇرعىن ۇستالدى. 

باشينفورم اقپارات اگەنتتىگىنىڭ حابارلاۋىنشا، لاڭكەس قولدان جاسالعان قۇرىلعىمەن اكىمدىككە وت قويۋدى جوسپارلاعان.

«ول بۇل ارەكەتتى مەملەكەتتىك بيلىك ورگاندارىنىڭ قىزمەتىن تۇراقسىزداندىرۋ جانە كونستيتۋتسيالىق جۇيەگە قارسى نارازىلىق تۋدىرۋ ماقساتىندا جوسپارلاعان. بۇعان ينتەرنەتتە دە بەلسەندى تۇردە شاقىرعان»، — دەپ حابارلادى رەسپۋبليكانىڭ فەدەرالدىق قاۋىپسىزدىك قىزمەتى باسقارماسىنىڭ ءباسپاسوز قىزمەتى.

قاسكويدىڭ ۇستىنەن «تەرروريستىك اكت» جانە «تەرروريستىك ارەكەتتى جۇزەگە اسىرۋعا جاريا تۇردە شاقىرۋ، تەرروريزمدى جاريا تۇردە اقتاۋ نەمەسە تەرروريزمدى ناسيحاتتاۋ» باپتارى بويىنشا قىلمىستىق ءىس قوزعالدى.

 

 

سوڭعى جاڭالىقتار