11 تامىز, 18:37 5957 0 جاڭالىقتار انار لەپەسوۆا

الماتىدا قاتار ورنالاسقان بىرنەشە ءۇي ورتەنىپ كەتتى

الماتىدا ءبىر-بىرىنە جاقىن ورنالاسقان بىرنەشە جەكە ۇيلەر ورتەنىپ كەتتى. بۇل تۋرالى توتەنشە جاعدايلار دەپارتامەنتىنىڭ ءباسپاسوز قىزمەتى حابارلادى. 

ءورت تۋرالى حابارلاما تۇسكى ساعات 12-لەر شاماسىندا الاتاۋ اۋدانىنىڭ پەتروپاۆلوۆسكايا جانە وسكەمەن كوشەلەرىنىڭ بويىنداعى ءتۇرلى مەكەن-جايلاردان تۇسكەن.

"پەتروپاۆلوۆسكايا كوشەسى 6/1, پەتروپاۆلوۆسكايا كوشەسى 4/1 مەكەن-جايىندا ورنالاسقان ءۇي عيماراتى مەن وسكەمەن كوشەسىندە مونشا قۇرىلىسى ورتەندى. اعاشتان جاسالعان توبەلەر مەن قابىرعالار ءورتتىڭ تەز تارالۋىنا ىقپال ەتتى.", - دەلىنگەن دەپارتامەنت حابارلاماسىندا.

عيماراتتار ءبىر-بىرىنە وتە جاقىن ورنالاسقان، سوندىقتان ءورت سوندىرۋشىلەرگە وقيعا ورنىنا جەتۋ قيىن بولدى، دەيدى ولار.

"جاقىن ماڭداعى عيماراتتاردى ءسوندىرۋ جانە قورعاۋ ءۇشىن بەس ءورت ءسوندىرۋ قوندىرعىسى جەتكىزىلدى، ءورت گيدرانتتارىنا تسيستەرنالار ورناتىلدى، سۋدىڭ ۇزدىكسىز بەرىلۋى قامتاماسىز ەتىلدى. الاتاۋ اۋدانىنىڭ پوليتسيا قىزمەتكەرلەرى ءورتتىڭ پەريمەترىن قورشاپ، قاۋىپسىزدىكتى قامتاماسىز ەتتى. ءورت سوندىرۋشىلەر پەتروپاۆلوۆسكايا كوشەسى، 2/2 مەكەن-جايى بويىنشا ورنالاسقان تۇرعىن ءۇي مەن عيماراتتى، سونىمەن قاتار وسكەمەن 6 جانە 7-ءشى ءۇي عيماراتتارىن قورعاپ قالا الدى. ولار جارتىلاي كۇيىپ كەتكەن", - دەيدى ءبايسپاسوز قىزمەتى.

قابىلدانعان شارالار بويىنشا ءورت 20 مينۋت ىشىندە جويىلدى، ساعات 12.40-دا ول 120 شارشى مەتر الاڭدا تولىقتاي جويىلدى. ءورتتى سوندىرۋگە 25 ادام، بەس تەحنيكا جۇمىلدىرىلدى. زارداپ شەككەندەر جوق.

سوڭعى جاڭالىقتار